मुंबई - उपनगरीय रेल्वे मार्गावर सर्रास विना तिकीट प्रवास सुरू असताना कोकण रेल्वे मार्गावर देखील फुकट्या प्रवाशांची संख्या वाढली आहे. कोकण रेल्वे सातत्याने तिकीट तपासणी मोहीम राबवत आहे. कोकण रेल्वे मार्गावर गेल्या तिमाहीत (ऑक्टोबर ते डिसेंबर २०२३) एकूण १८,४६६ अनधिकृत/अनियमित प्रवासी तिकिटांशिवाय आढळून आले. त्यांच्यावर कारवाई करत एकूण ५ कोटी ६० लाख ९९ हजार रुपयांचा दंड आकारण्यात आला असल्याचे कोकण रेल्वेने सांगितले.
वाढती प्रवासी गर्दीचा फायदा घेत अनेक प्रवासी विना तिकीट प्रवास करत आहेत. रेल्वे प्रशासनाकडून अशा प्रवाशांवर सातत्याने कारवाई करण्यात येत आहे. मात्र तरी देखील उपनगरीय रेल्वे मार्ग, कोकण रेल्वे मार्गावर विना तिकीट प्रवास करणाऱ्या प्रवाशांची संख्या अधिक आहे. दरम्यान, एकट्या डिसेंबर २०२३ मध्ये एकूण ६,६७५ अनधिकृत/अनियमित प्रवासी तिकीट नसलेले आढळून आले.
अशा प्रवाशांवर कारवाई करत तब्बल १ कोटी ९५ लाख ६४ हजार ९२६ रुपये एवढा दंड वसूल करण्यात आल्याचे कोकण रेल्वेने सांगितले. कोकण रेल्वे प्रवाशांना गैरसोय टाळण्यासाठी योग्य आणि वैध तिकिटांसह प्रवास करण्याचे आवाहन करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.