Lalit Patil Drugs Case: ललित पाटील ड्रग्ज प्रकरणाची मंत्रिमंडळाच्या बैठकीत चर्चा, गृहमंत्री देवेंद्र फडणवीस करणार गौप्यस्फोट?

Lalit Patil Drugs Case: ललित पाटीलसंदर्भात गृहमंत्री देवेंद्र फडणवीस यांची आज पत्रकार परिषद घेणार आहेत. ड्रग्ज माफिया ललित पाटील प्रकरणी होत असलेल्या आरोपाबाबत देवेंद्र फडणवीस सविस्तर बोलणार असून मोठा गौप्यस्फोट करण्याची शक्यता आहे.

दोन दिवसांपूर्वीच देवेंद्र फडणवीस यांनी ललित पाटील सापडला आहे, राज्यातील ड्रग्ज प्रकरणात एक मोठं रॅकेट समोर येणार, अनेक गौप्यस्फोट होणार तसेच आरोप करणाऱ्यांची तोंड बंद होणार, असं म्हटलं होतं. त्यामुळे फडणवीस कोणता मोठा खुलासा करणार याकडे सर्वांचं लक्ष लागलं आहे.

दरम्यान काल पार पडलेल्या मंत्रिमंडळाच्या बैठकीत ललित पाटील प्रकरणी चर्चा झाल्याची शक्यता आहे. त्यामुळे देवेंद्र फडणवीस आज गौप्यस्फोट करण्याती शक्यता आहे. 

ललित पाटील संदर्भात राज्य सराकर आणि त्यांच्या मंत्र्यांवर गंभीर आरोप केले जात आहेत. ठाकरे गटाच्या नेत्या सुषमा अंधारे यांनी शिंदे गटातील मंत्री दादा भूसे आणि शंभूराज देसाई यांच्यावर आरोप केले होते. या मंत्र्यांबाबत देखील कालच्या बैठकीत चर्चा झाल्याची माहिती मिळत आहे. बैठकीत या मंत्र्यांची चुप्पी होती अशी माहिती देखील सामने सुत्रांच्या हवाल्याने दिली आहे. (Latest Marathi News)

देवेंद्र फडणवीस यांनी मुंबई, पुणे आणि नाशिक पोलिसांकडून संपूर्ण माहिती घेतली आहे. गेल्या दोन दिवसांपासून ललित पाटील मुंबई पोलिसांच्या ताब्यात आहे. या दरम्यान त्याची चौकशी देखील करण्यात आली.