Latest Maharashtra News Updates : बांगलादेश विरुद्ध कसोटी मालिकेतील पहिल्या कसोटीसाठी टीम इंडियाचा संघ जाहीर

BCCI ने बांगलादेश विरुद्ध IDFC FIRST Bank कसोटी मालिकेतील पहिल्या कसोटीसाठी टीम इंडियाचा संघ जाहीर केला..लोकांच्या नजरेत विजयी होण्यापेक्षा मोठे काहीही नाही, असं विनेश फोगाट म्हणाली आहे..बालोदा बाजार येथे वीज कोसळून सात ठार, तीन जखमी झाले आहेत..लखनऊ इमारत कोसळल्या प्रकरणी मालकाविरुद्ध गुन्हा दाखल करण्यात आला आहे..मुंबईतील लोअर परळ येथे कारने दुचाकीला धडक दिल्याने एकाचा मृत्यू झाला तर दोन जण गंभीर जखमी झाले आहेत. पोलिसांनी कार चालक - मनीष चंद्रभान सिंग याला ताब्यात घेतले असून एनएम जोशी मार्ग पोलीस ठाण्यात गुन्हा दाखल करण्याची प्रक्रिया सुरू आहे..केंद्रीय गृहमंत्री अमित शहा यांचे मुंबईत दाखल झाले आहेत. यावेळी महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी त्यांचे स्वागत केले. .पश्चिम बंगालचे राज्यपाल डाॅ. सी व्ही आनंदा बोस यांनी मुंबईत राज्यपाल सी पी राधाकृष्णन यांची राजभवन इथे सदिच्छा भेट घेतली. यावेळी राज्यपालांच्या निवासस्थानी विराजमान असलेल्या गणरायाचं दर्शन देखील त्यांनी घेतले..संयुक्त अरब अमिरातीचे युवराज शेख खालेद बिन झायेद अल नाहयान भारत दौऱ्यासाठी दिल्लीत दाखल. केंद्रीय मंत्री पियुष गोयल यांनी त्यांचे औपचारिक केलं स्वागत..मुंबई: गणेशोत्सव 2024 च्या पहिल्या दिवशी मिळालेल्या देणग्यांची मोजणी लालबागचा राजा सार्वजनिक गणेशोत्सव मंडळात करण्यात आली. यावेळी उत्सवाच्या पहिल्याच दिवशी लालबागच्या राजाला भाविकांकडून ४८ लाख ३० हजार रुपये अर्पण करण्यात आल्याचे समोर आले आहे. लालबागचा राजा सार्वजनिक गणेशोत्सव मंडळाचे खजिनदार मंगेश दत्ताराम दळवी यांनी याबद्दल माहिती दिली आहे..पुणे जिल्हा बँकेमार्फत एक हजार व शरद बँकेमार्फत ६७ जागांची भरती होणार आहे. त्यामुळे अनेक युवक-युवतींना हक्काचा रोजगार उपलब्ध होणार आहे..पुणे : बारामतीत सचिन थोरात, योगेश मोटे, विक्रम थोरात यांच्यासह अनेक कार्यकर्त्यांनी राष्ट्रवादीत प्रवेश केला. या मेळाव्यात बोलताना ते म्हणाले, कार्यकर्ता हाच पक्षाचा कणा आहे, अनेक कार्यकर्त्यांना असे वाटते की आम्हाला विचारात घेतले जात नाही, ठराविकच लोकांना विचारले जाते, पण असे अजिबात नाही, प्रत्येकच कार्यकर्ता पक्षासाठी महत्वाचा आहे. यंदाची निवडणूक ही आपल्या सर्वांच्याच भवितव्याची निवडणूक आहे. त्यामुळे सर्वच पदाधिका-यांनी वैयक्तिक मतभेद विसरुन एकदिलाने काम करण्याचा कानमंत्र दिला. .शेअर बाजारातील अस्थिरतेमुळे अनेक प्रमुख कंपन्यांना नफा-तोट्याचा सामना करावा लागत आहे. रिलायन्स आणि TCS या दोन मोठ्या कंपन्यांना बाजारातील गोंधळामुळे नुकसान सहन करावं लागलं असलं तरी, या दोन्ही कंपन्यांनी कोट्यवधी रुपयांची कमाई केली आहे. बाजारातील अस्थिरतेमुळे गुंतवणूकदारांना मोठे निर्णय घेण्याची वेळ आली आहे, आणि यामुळे उद्योग क्षेत्रात मोठे चढ-उतार होत आहेत..मुस्लिम समाजाच्या भावना दुखावल्याच्या निषेधार्थ समाजातील महिलांनी मोर्चा काढला. या मोर्चात हजारोंच्या संख्येने महिला सहभागी झाल्या होत्या. यावेळी रामगिरी महाराज व आमदार नीतेश राणे यांच्या विरोधात घोषणा देत त्यांना अटक करण्याची मागणी करण्यात आली. आमदार नीतेश राणे यांनी मुस्लिम समाजाला धमकी दिली. त्यानंतर कालीचरण महाराज यांनी सुध्दा इस्लाम विरोधी वक्तव्य केले. रामगिरी महाराज यांच्यावर महाराष्ट्रात ५७ ठिकाणी गुन्हे दाखल करण्यात आले आहेत, तरीही त्यांना अटक नाही, .पुणे : गणेशोत्सवानिमित्त नागरिकांच्या समस्यांचे निवारण करण्याकरिता उभारण्यात येणार २२ पोलीस मदत केंद्रे नागरिकांना काही अडचण आल्यास अथवा काही समस्या जाणवल्यास पोलीसांना त्वरित संपर्क करता यावा याकरिता २२ ठिकाणी पोलीस मदत केंद्रे उभारण्यात आलेली आहेत. तसेच तुम्ही ११२ किंवा ९८८१०१५११० या नंबरवर किंवा चौकात व पोलीसकेंद्रांवर लावण्यात आलेल्या क्युआर कोडच्या मदतीने व्हॉट्सॲप मेसेजवर आपल्या समस्या मांडू शकता..मुंबईतील श्री गणेशोत्सवाच्या पार्श्वभूमीवर बृहन्मुंबई महानगरपालिकेकडून यंदाही अधिकाधिक विविध सोयी-सुविधा पुरविण्यात आल्या आहेत. मंगळवार, दिनांक १७ सप्टेंबर २०२४ रोजी अनंत चतुर्दशी दिनी होणा-या श्री गणेशमूर्ती विसर्जनासाठी बृहन्मुंबई महानगरपालिकेकडून विशेष तयारी करण्यात आली आहे. विसर्जन सुलभ, निर्विघ्नपणे पार पडावे यासाठी महानगरपालिका आयुक्त तथा प्रशासक श्री. भूषण गगराणी, अतिरिक्त महानगरपालिका आयुक्त (पूर्व उपनगरे) डॉ. अमित सैनी यांच्या मार्गदर्शनाखाली बृहन्मुंबई महानगरपालिकेचे सुमारे १२ हजार अधिकारी - कर्मचारी, ७१ नियंत्रण कक्ष तसेच अन्य विविध सोयीसुविधांसह सुसज्ज आहेत. यंदा गणेश मूर्ती विसर्जनासाठी ६९ नैसर्गिक स्थळांसह एकूण २०४ कृत्रिम विसर्जनस्थळांवर व्यवस्था आहे, अशी माहिती उप आयुक्त (परिमंडळ २) तथा गणेशोत्सव समन्वयक श्री. प्रशांत सपकाळे यांनी दिली आहे..नवनीत राणा आणि रवी राणा यांनी नुकतंच बाप्पाचं दर्शन घेतलं. त्याप्रसंगी बोलताना ते म्हणाले, 'बाप्पाला भेटण्यासाठी काही कारण नसते म्हणून आम्ही आलो आहोत. बाप्पाच्या चरणी एवढीच प्रार्थना करतो की अजून ताकद मिळू दे..आणि अजून एकदा दिल्लीची वारी होऊन त्या माध्यमातून जास्तीत जास्त लोकांची सेवा या माध्यमातून होऊन दे... बाप्पा चरणी एकनाथ शिंदे आणि देवेंद्र फडणवीस यांची जोडी कायम अशीच राहू दे... भविष्यात पुन्हा एकदा आमचे सरकार यावं... शेतकरी मजदूर युवक लाडकी बहीण या सर्वांची सात...मोदी जसे तिसऱ्यांदा निवडून आले पुन्हा एकदा तोच इतिहास घडवणार... जय मनदारीचं काम करत आहे त्यांची... मी नेहमी सामान्य राहते खासदार होते मी पण नेहमी सर्वसामान्यांसारखे राहिले म्हणून मला काहीच वेगळं वाटत नाही... अनेकांच्या चेहऱ्यावर उत्साह आनंद हे पाहून अजून प्रेरणा येते आपण जे काम करतो ते अजून चांगल्या पद्धतीने इथून गेल्यानंतर करता येणार आहे....पुण्यात गणेशोत्सवात मध्यभागात दर्शनासाठी येणाऱ्या भाविकांसाठी २७ ठिकाणी वाहने लावण्याची व्यवस्था वाहतूक पोलिसांकडून उपलब्ध करुन देण्यात आली आहे. शहराच्या मध्यभागात मानाच्या गणपतींचे दर्शन तसेच देखावे पाहण्यासाठी पुणे शहर तसेच जिल्ह्यातून भाविकांची गर्दी होते.उत्सवाच्या काळात परगावाहून मोठ्या संख्येने भाविक दर्शनासाठी येतात. भाविकांना मोटारी, तसेच दुचाकी लावण्यासाठी २७ ठिकाणी पार्किंग व्यवस्था उपलब्ध करून देण्यात आली आहे,अशी माहिती वाहतूक शाखेनी दिली.विसर्जन मिरवणुकीची सांगता होईपर्यंत भाविकांसाठी पार्किंग व्यवस्था उपलब्ध करून देण्यात आली. .अजमेरच्या अनेक भागात पाणी साचले, या भागात मुसळधार पावसामुळे अजमेरचे जिल्हाधिकारी लोक बंधू यांनी परिस्थितीची पाहणी केली..विशाखापट्टणम शहरातील अनेक भागात पावसाने जोरदार हजेरी लावली आहे. .बक्सर जिल्ह्यातील रघुनाथपूर स्थानकाजवळ आज इस्लामपूर-जाणाऱ्या मगध एक्स्प्रेसचे कपलिंग तुटल्याने तिचे दोन भाग झाले. दुमरावचे डीएसपी अफाक अख्तर अन्सारी यांनी सांगितले, "कपलिंगमुळे ट्रेनचे दोन भाग झाले. सर्व प्रवासी सुरक्षित आहेत. कपलिंग का तुटले, याचा तपास सुरू आहे. ".मांडवी : विधानसभेत मुख्यमंत्री एकनाथ शिंदे यांच्या अध्यक्षतेत झालेल्या शिखर समितीच्या बैठकीत राज्यातील आठ ग्रामीण देवस्थानांच्या विकासासाठी २७५ कोटी रुपयांच्या निधीला मंजुरी देण्यात आली. त्यामध्ये मात्र हेमाडपंती तीर्थक्षेत्र उनकेश्वरच्या विकासासाठी एक छदामही राज्य सरकारने दिला नाही. यामुळे किनवट माहूर मतदारसंघात तीव्र नाराजी पसरली आहे..हिंगोली : जिल्ह्यात अतिवृष्टीमुळे पशुधनाचे मोठ्या प्रमाणात नुकसान झाले असून, तत्काळ पंचनामे करावेत. जिल्ह्यात ओला दुष्काळ जाहीर करून सरसकट आर्थिक मदत जाहीर करावी, अशी मागणी माजी आमदार भाऊराव पाटील गोरेगावकर यांनी गुरुवारी (ता. पाच) जिल्हाधिकाऱ्यांना निवेदन देण्यात आले. जिल्हाभरात वादळी वाऱ्यासह ढगफुटी सदृश अतिवृष्टी झाली असून, त्याचा सर्वात मोठा फटका पिकांना बसला आहे. हजारो इतर क्षेत्रावरील सोयाबीन, तूर, हळद, कापूस, उडीद व मूग पिकांसह पशुधनासह घरांचे मोठ्या प्रमाणात नुकसान झाले आहे. .मारतळा : सुगाव ( ता. लोहा) येथे गेल्या ६२ वर्षांपासून ‘एक गाव एक गणपती’ ही परंपरा कायम असून, आजतागायत ती गावकऱ्यांनी जपली आहे. सर्व जाती-धर्मातील समाजबांधव एकत्र येत देणगी न मागता हा गणेशोत्सव लोकोत्सव म्हणून साजरा करतात हे विशेष. सुगाव येथील लोकसंख्या तीन हजाराच्या जवळपास असून गावकऱ्यांनी सन १९६२ मध्ये श्रींची पर्यावरणपूरक मातीची मूर्ती बनवून गणेशोत्सवाला सुरुवात केली. तत्कालीन सरपंच मोहनराव पाटील सुगावकर, रामराव पाटील जाधव, गुलाब पाटील यांनी श्री यशवंत गणेश मंडळाची स्थापना केली. तेव्हापासून एक गाव एक गणपतीची परंपरा सुरू झाली ती आजपर्यंत कायम आहे. .धाराशिव : वय वर्षे ६५ व त्यावरील ज्येष्ठ नागरिकांसाठी मुख्यमंत्री वयोश्री योजना राबविण्यात येत आहे. या योजनेसाठी आता लाभार्थ्यांचे ग्रामपंचायतीतही अर्ज स्वीकारण्यात येणार आहेत. पात्र लाभार्थ्यांनी अर्ज करावेत, असे आवाहन समाजकल्याण विभागाचे सहायक आयुक्त बाबासाहेब अरवत यांनी केले. वयोश्री योजनेतंर्गत ज्येष्ठ नागरिकांचे वय ३१ डिसेंबर २०२३ पर्यंत ६५ वर्ष पूर्ण व लाभार्थ्याचे कौटुंबिक वार्षिक उत्पन्न २ लाख रुपयांच्या आत असणे आवश्यक आहे. पात्र लाभार्थ्यांना चष्मा, श्रवणयंत्र, ट्रायपॉड, स्टिक, व्हील चेअर, फोल्डिंग वॉकर, कमोड खुर्ची आदी साधने, उपकरणे खरेदी करण्यासाठी एकवेळ एकरकमी तीन हजार रुपयांच्या मर्यादेत निधी वितरित करण्यात येईल..दक्षिण मध्य रेल्वे अंतर्गत नांदेड विभागात सध्या मोठ्या प्रमाणात रेल्वेला प्रवाशांची गर्दी उत्सव असल्यामुळे होत आहे. तेलंगणा, आंध्राच्या पार्श्वभूमिवर नांदेड विभागातही गणेश व गौरी-गणपतीच्या (महालक्ष्मी) महोत्सवात नांदेड ते छत्रपती संभाजीनगर दरम्यान, अनारक्षित विशेष रेल्वे सुरू करण्यात यावी, अशी मागणी प्रवाशांमधून जोर धरत आहे..पॅरिसमध्ये पोलिसांनी दोघांना अटक केली आहे. या लोकांच्या अटकेने आंतरराष्ट्रीय कटाचा पर्दाफाश झाला आहे. वास्तविक, इराणच्या गुप्तहेर खात्याने जर्मनी, फ्रान्स इत्यादी युरोपीय देशांतील ज्यू लोकांना लक्ष्य करण्याची योजना आखली आहे. इराणच्या सीक्रेट सर्व्हिसची योजना युरोपीय देश आणि तिथे राहणाऱ्या ज्यू लोकांमध्ये दहशत पसरवण्याचा आहे..जगभरात, 2022 च्या तुलनेत 2023 मध्ये कॉलरा प्रकरणांमध्ये 13 टक्के आणि मृत्यू 71 टक्क्यांनी वाढ झाली आहे. गेल्या वर्षी या आजारामुळे 4,000 हून अधिक लोक मरण पावले, जे उपचाराने सहज टाळता आले असते. जागतिक आरोग्य संघटनेच्या (WHO) अहवालात ही बाब समोर आली आहे..रविवारी सकाळी आऊटर दिल्लीतील बकरवाला भागात एका कापड कारखान्याला भीषण आग लागली. दुमजली इमारतीच्या पहिल्या मजल्यावरून धुराचे लोट आणि प्रखर ज्वाळांचे लोट उठताना दिसत होते..भोसरीचे भारतीय जनता पक्षाचे आमदार महेश लांडगे यांना जीवे मारण्याची धमकी देण्यात आली होती. दरम्यान पोलिसांनी आरोपीचा शोध घेत त्याला अटक केली..गणेशोत्सवात पहिल्या दिवशी लालबागच्या राजाला गणेशभक्तांनी अर्पण केलेल्या दानाची आजपासून मोजदात सुरू झालीय. सर्व प्रथम लालबागच्या राजाला गणेशभक्तांनी दान केलेल्या रोख रुपयांची मोजदात केली जाणार आहे. त्यानंतर लालबागच्या राजाला गणेशभक्तांनी सोने आणि चांदीचे दागिणे अर्पण केले आहेत. त्यांची मोजदात केली जाणार आहे…. लालबागच्या राजाला अर्पण केलेल्या या दान स्वरूपी नीधीचा उपयोग लालबागचा राजा सार्वजनिक गणेशोत्सव मंडळ अनेक सामाजिक उपक्रमांत वापरत असतात. त्यामुळे गणेशभक्तांनी दान केलेल्या या नीधीचा उपयोग गणेशभक्तांच्याच अत्यावश्यक सेवेसाठी वापरला जातोय….राज्यातील जनता अमित शहा यांना शत्रू मानते. त्यांनी महाराष्ट्रात दळभद्री राजकारण केलं आहे. शहांनी राज्यातील उद्योग पळवले. त्यांनी राज्य तोडण्याचं काम केलं. अमित शहा लालबागचा राजा देखील गुजरातला घेऊन जातील, अशी टिप्पणी खासदर संजय राऊत यांनी केली आहे..काल राज्यभरात मोठ्या उत्साहात गणपती बाप्पा विराजमान झाले. परंतु, आज दीड दिवसांच्या गणपतीचे विसर्जन होत आहे. काल आलेला गणराया आज जाणार आहे. आणि त्याचसाठी गणेश विसर्जनासाठी मुंबई महापालिकेकडून आता मोठ्या प्रमाणावर तयारी केली जात आहे. महापालिकेकडुन कृत्रिम तलावाद्वारे विसर्जनाची तयारी केली आहे. मुंबईत एकूण २०४ कृत्रिम तलावाची निर्मिती केली जात आहे. मुंबईतील दादर मधील शिवाजी पार्क पार्क परिसरात तीन कृत्रिम तलावाची महापालिकेकडुन निर्मिती केली जात आहे. त्यातील एक ९ फूट खोलीचा व दोन दुसरे ७ फूट तसेच पीओपी व शाडू मातीच्या मुर्तींसाठी वेगळा कृत्रिम तलाव अशी व्यवस्था करण्यात आली असुन, सर्व परिसरात सीसीटीव्ही यंत्रणा सज्ज आहे..भाजपच्या आमदारांनी केलेल्या कामाचे श्रेय लाटण्याच्या प्रयत्न करणाऱ्या हडपसरचे राष्ट्रवादी काँग्रेसचे आमदार चेतन तुपे यांच्या कार्यपद्धतीवर नाराजी व्यक्त करत भाजप पदाधिकाऱ्यांनी मांजरी उड्डाणपुलाच्या नामफलकास काळे फासून आंदोलन केले, महायुतीचा धर्म राष्ट्रवादी काँग्रेसच्या आमदाराकडून पाळला जात नसल्याने निषेध व्यक्त करण्यात आला,राज्यात नेते एकी दाखवत असताना हडपसरच्या महायुती मध्ये मिठाचा खडा पडला आहे.. मराठवाड्याच्या हिंगोली व नांदेड जिल्ह्यातील नागरिकांसाठी आता आनंदाची बातमी आहे, हिंगोलीच्या कळमनुरी तालुक्यातील उर्ध्व पैनगंगा प्रकल्प असलेले ईसापुर धरण पूर्ण क्षमतेने भरल्याने, आज सायंकाळी धरणाचे दोन दरवाजे उघडण्यात आले आहेत. लालबागच्या राजाचा आजचा दुसरा दिवस आहे.दुसऱ्या दिवशी पाहाटेपासूनच मोठ्या प्रमाणात गणेश भक्तांची गर्दी झाली आहे. आज रविवार असल्याने लालबागच्या राजाच्या चरणी भाविकांची मोठी गर्दी होण्याची शक्यता वर्तवण्यात येत आहे. .'दगडूशेठ' गणपतीसमोर तब्बल ३५ हजार महिलांनी एकत्र येत अथर्वशीर्ष पठणातून गणरायाला नमन केले. ॠषीपंचमीनिमित्त आयोजित सोहळ्यात उर्जेने भारलेल्या वातावरणामध्ये हजारो महिलांच्या गर्दीचा उच्चांक यानिमित्ताने पहायला मिळाला. .श्रीमंत दगडूशेठ हलवाई गणपती च्या दर्शनाला थायलंड मधील लोकांनी देखील हजेरी लावली आहे. थायलंड मधील किम नावाच्या महिलेने गणपतीची आरती केली .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : बांगलादेश विरुद्ध कसोटी मालिकेतील पहिल्या कसोटीसाठी टीम इंडियाचा संघ जाहीर

बांगलादेश विरुद्ध कसोटी मालिकेतील पहिल्या कसोटीसाठी टीम इंडियाचा संघ जाहीर

Related Stories