Uddhav Thackeray: आगामी निवडणुकांच्या पार्श्वभूमीवर उद्धव ठाकरे यांना मोठा धक्का बसला आहे. एकीकडे उद्धव ठाकरे पक्षाचा विस्तार वाढवण्यासाठी राज्यात दौरे करत आहेत. तर दुसरीकडे उद्धव ठाकरे यांना मोठा धक्का बसला आहे. माजी महापौर आणि ३५ वर्षापासून नगरसेवक असलेले गजानन बारवाल यांनी शिवसेनेत प्रवेश केला आहे.
मुख्यमंत्री एकनाथ शिंदेच्या उपस्थितीत वर्षा या शासकीय निवासस्थानी गजानन बारवाल यांचा पक्षप्रवेश पार पडला आहे. ३५ वर्षापासून नगरसेवक असलेले गजानन बारवाल यांच्या शिवसेनेत प्रवेशाने ठाकरे गटाला मोठा धक्का असल्याचे बोलले जात आहे.
गजानन बारवाल यांनी आज सकाळी शिवसेनेचे आमदार संजय शिरसाट यांची भेट घेतली होती. गेल्या विधानसभा निवडणूकीत शिवसेनेकडून गजानन बारवाल उमेदवार होते. शिवसेनेत बंड झाल्यापासून उध्दव ठाकरे यांना मोठे धक्के बसले आहेत. गेल्या अनेक दिवसांपासून ठाकरे गटातून शिंदे गटात जाणाऱ्या आमदारांची, नेत्यांची, पदाधिकाऱ्यांची संख्या मोठी आहे.
आगामी निवडणूकाच्या पार्श्वभूमीवर एकीकडे ठाकरे गटाने तयारी सुरू केली आहे. बैठका, दौरे यांचे नियोजन केले आहे. अशातच उध्दव ठाकरे यांच्यासाठी हा मोठा धक्का मानला जात आहे. महाराष्ट्रात सुरू असलेल्या उलथापालथीमध्ये उद्धव ठाकरेंची देखील चिंता वाढत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
