काँग्रेसचे नेते राहुल गांधी यांना मोदी आडनावाची बदनामी केल्याप्रकरणी त्यांना दोन वर्षांची शिक्षा सुनावण्यात आली. ही शिक्षा झाल्यानंतर राहुल गांधी यांना त्यांची खासदारकी देखील गमवावी लागली आहे. यानंतर काँग्रेस पक्षाचे नेते आणि कार्यकर्त्यांकडून देशव्यापी सत्यागृह आंदोलन केले जात आहे. या दिल्लीत या आंदोलनात काँग्रेसचे राष्ट्रीय अध्यक्ष मल्लिकार्जुन खरगे, प्रियंका गांधी आणि काँग्रेसचे अनेक दिग्गज नेते सहभागी झाले.
महाराष्ट्रासह पाच राज्यात काँग्रेसकडून हे मौन आंदोलन करण्यात येत आहे. राहुल गांधींवरील कारवाईविरोधात काँग्रेस मंत्रालयाजवळच्या महात्मा गांधी यांच्या पुतळ्यासमोर ‘मौन सत्याग्रह’ आंदोलन सुरु आहे. या मौन सत्याग्रहासाठी काँग्रेसचे नेते उपस्थित झाले आहेत.
यादरम्यान शरद पवार यांच्या गटातील राष्ट्रवादीचे नेतेही काँग्रेसला पाठिंबा देणार आहेत. मंत्रालयासमोरील गांधी पुतळ्याजवळ सुरू असलेल्या काँग्रेसच्या आंदोलनात राष्ट्रवादीचे नेते सहभागी होणार असल्याने, राहुल गांधींवर झालेल्या कारवाई विरोधात काँग्रेस-राष्ट्रवादी एकवटल्याचे पाहायला मिळत आहे.
दरम्यान या आंदोलनात काँग्रेसचे नेते नाना पटोले, बाळासाहेब थोरात, सुशीलकुमार शिंदे, अशोक चव्हाण, पृथ्वीराज चव्हाण, नसीम खान यांच्यासह इतर नेते उपस्थित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
