जालना, जळगावमध्ये अतिवृष्टी; चाळीसगावात अनेक जनावरे वाहून गेल्याची भीती

राज्यात पावसाने पुन्हा जोर धरला आहे. ऑगस्टमध्ये पावसाने विश्रांती घेतल्यानंतर आता शेवटच्या आठवड्यात मुसळधार कोसळत आहे. जळगाव जिल्ह्यात पावसाची संततधार सुरु असून पूरस्थिती निर्माण झाली आहे. चाळीसगावात अनेक नागरिक पुरामध्ये अडकले असून शेकडो जनावरे वाहून गेल्याची भीती व्यक्त केली जात आहे. दुसरीकडे जालना जिल्ह्यातील आठ मंडळात अतिवृष्टीची नोंद झाली असून घनसावंगी तालुक्यातील तिर्थपुरी मंडळात तब्बल 121.3 मिलिमीटर पावसाची नोंद झाली आहे.

चाळीसगावातील या गावांना पुराचा वेढा..

तर अनेक गावात पुराचे पाणी शिरल्याने घरांचे नुकसान झाले आहे.चाळीसगाव शहरातील तितुर नदीसह वाघडू, वाकडी, रोकडे, मुंदखेडे, जामडी, कोंगानगर, बाणगाव, जावळे, कोदगाव, हिंगोणे सिम, मजरे आदी परिसरातील गावांना पुराने वेढले आहे, अनेक गावांचा संपर्क तुटला