Lok Sabha Election : सलग दुसऱ्या दिवशी मध्यरात्री बैठकांचे ‘वर्षा’वर सत्र सुरूच; महायुतीत साडेतीन तास खलबतं, कोणत्या मुद्यांवर झाली चर्चा?

Lok Sabha Election: राज्यासह देशभरात निवडणुकींचा जोरदार तयारी सुरू असल्याचे दिसून येत आहे. अशातच राज्यात जागावाटपाबाबत चर्चा सुरूच आहे. लोकसभा निवडणुकीच्या पहिल्या टप्प्यातील उमेदवारी अर्ज मागे घेण्याची तारीख देखील उलटली आहे. मात्र, राज्यातील जागावाटपाचा तिढा अजून सुटला नसल्याचे चित्र दिसून येत आहे. जागा वाटपावर तोडगा काढण्यासाठी गेल्या अनेक दिवसांपासून चर्चा आणि बैठका यांचे सत्र सुरूच आहे.

काल(शनिवारी) सलग दुसऱ्या दिवशी मुख्यमंत्री एकनाथ शिंदे यांच्या वर्षा या शासकीय निवासस्थानी पहाटे ३ वाजेपर्यंत बैठक सुरू होती. तब्बल साडेतीन तास ही बैठक चालल्याची माहिती समोर आली आहे. या बैठकीला खासदार श्रीकांत शिंदे देखील उपस्थित होते अशी माहिती आहे.

बैठकीसाठी कोणते नेते होते उपस्थित

बैठकीसाठी सुरुवातील भाजप नेते आणि उपमुख्यमंत्री देवेंद्र फडणवीस रात्री 11.30 ला वर्षा बंगल्यावर दाखल झाले. त्यानंतर उदय सामंत रात्री 12.15 ला वर्षावर आले. मुख्यमंत्री एकनाथ शिंदे, उपमुख्यमंत्री देवेंद्र फडणवीस, मंत्री उदय सामंत, संजय शिरसाट यांच्यात चर्चा झाली. वर्षावर रात्री उशिरार्यंत तीन वाजेपर्यंत चर्चा झाली.

या बैठकीत कल्याण आणि ठाणे येथील जागेच्या विषयाची चर्चा झाली असण्याची शक्यता वर्तवण्यात येत आहे. श्रीकांत शिंदे यांना कल्याणऐवजी ठाणे येथून उमेदवारी देण्याची शक्यता आहे.