पुणे-मुंबई लोहमार्गावर दरड कोसळली आहे. मंकीहील ते ठाकूरवाडी दरम्यान ही घटना मध्यरात्री घडलेली असून, अद्याप दरड हटविण्याचं काम युद्ध पातळीवर सुरू आहे.(lonavla khandala land slide on pune mumbai railway traffic stopped)
आज शुक्रवार असल्याने विकेंडमध्ये अनेक जण मुंबई ते पुणे रेल्वेने प्रवास करत असतात. मात्र, भल्यापहाटेच घाट परिसरात दरड कोसळ्याने वाहतूकीचा खोळंबा झाला आहे. दरड कोसळ्याची माहिती मिळताच प्रशासनाचे अधिकारी आणि पोलीस घटनास्थळी दाखल झाले असून दरड हटवण्याचे काम रेल्वे प्रशासनाकडून सुरू आहे.
रेल्वे प्रशासनाकडून देण्यात आलेल्या माहितीनुसार, आज 12 ऑगस्ट रोजी लोणावळ्या नजिक पुणे-मुंबई लोहमार्गावर दरड कोसळल्यामुळे रेल्वे सेवा ठप्प झाली आहे. घटनेची माहिती मिळताच कर्मचाऱ्यांना पाठवण्यात आलं. बोल्डर आणि ओएचईचा खांब पडल्यानं मार्ग ठप्प झाला आहे. दरड हटवण्याचं काम युद्धपातळीवर सुरु आहे.
मात्र, अप लाईनवर ही दरड कोसळल्याने मुंबईकडे जाणारी रेल्वे सेवा बंद आहे. अप लाईनवरील वाहतूक मिडल लाईनकडे वळविण्यात आल्याने रेल्वे सेवा सुरळीत सुरू आहे. मात्र अप लाईन पूर्व पदावर येण्यासाठी बराच अवधी लागणार आहे.
सकाळी सहा नंतर पुण्याहून निघालेल्या रेल्वे खंडाळ्याला थांबल्या आहेत. तर मुंबईहून पुण्याला येणाऱ्या रेल्वे कर्जतला थांबविल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.