मागील काही दिवसांपासून राज्यात संततधार पावसाने जनजिवन विस्कळीत झालं आहे. अनेकांचे संसार उद्धवस्त झाले आहेत. सातारा जिल्ह्यातील पाटण, कोयना, महाबळेश्वर आणि तापोळा या भागांमध्ये पावसाने अक्षरशः थैमान घातले असून प्रमाणापेक्षा जास्त पाऊस कोसळला आहे. पावसाने उसंत घेतल्यानंतर दुर्गम भागातील परिस्थिती हळूहळू समोर येऊ लागली आहे. 22 आणि 23 तारखेच्या मुसळधार पावसामुळे महाबळेश्वर-पोलादपूर महामार्गावर जवळपास 20 ठिकाणी दरड कोसळण्याच्या घटना घडल्या आहेत. परिणाणी रस्त्याची मोठी हाणी झाली असून रस्ताच गायब झाला आहे.
अतिवृष्टीमुळे महाबळेश्वर-पोलादपूर हा रस्ताच वाहून गेला आहे. ठिकठिणी दरड कोसळल्यामुळे रस्ता वाहून गेला असून परिणाणी वाहतूक ही पूर्णपणे ठप्प झाली आहे. विशेष म्हणजे वाहतुकीचे कोणतेच साधन नसल्याने या भागातील लोकांपर्यंत अजूनही कोणतीही मदत पोहचलेली नाही. या रस्त्यावर जवळजवळ 20 ठिकाणी दरड कोसळल्याने यंत्रणा अजूनही इकडे पोहचल्या नसून अतिशय बिकट परिस्थिती इथल्या गावांची आहे.
महाबळेश्वर तालुक्याच्या पश्चिम बाजूला असणाऱ्या 53 गावांत अद्याप कोणतीही मदत पोहचली आहे. कुमठा, शिरवली, दुजगाव, बिरवाडी, हतलोड, कासरूड, घोणसपूर, झानजवड या गावांसह इतर गावांचेही प्रंचड प्रमाणात नुकसान झाले आहे. येथील जनजिवन पूर्णपणे उद्वस्त झाले आहे. काही गांवाचा संपर्क पूर्णपणे तुटला असून ही गावे अजूनही मदतीच्या प्रतीक्षेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
