राज्याचं अर्थसंकल्पीय अधिवेशन सध्या सुरू आहे. या अधिवेशनामध्ये चर्चेचा विषय ठरल्या त्या म्हणजे आपल्या लहान बाळाला घेऊन आलेल्या आमदार सरोज अहिरे. त्यांच्यानंतर आता आणखी एक आमदार चर्चेचा विषय ठरत आहेत.
अहिरेंच्या नंतर भाजपा आमदार नमिता मुंदडा याही आपल्या दोन महिन्यांच्या लेकीसह विधिमंडळ कामकाजात सहभागी झाल्या. त्यांचा फोटो सध्या व्हायरल होत आहे. तसंच त्या चर्चेचा विषय ठरत आहेत.
राष्ट्रवादीच्या आमदार सरोज अहिरे आपल्या बाळाला घेऊन विधिमंडळात आल्या होत्या. त्यावेळी तिथल्या हिरकणी कक्षाची दुरावस्था त्यांनी दाखवून दिली होती. त्यानंतर तिथल्या हिरकणी कक्षामध्ये तात्काळ सुधारणा करण्यात आल्या. अहिरे यांच्या पाठोपाठ आता भाजपा आमदार नमिता मुंदडा याही आपल्या दोन महिन्यांच्या लेकीसह विधानभवनात आल्या आहेत.
कोण आहेत नमिता मुंदडा?
नमिता मुंदडा या बीडच्या आमदार आहेत. पूर्वी त्या राष्ट्रवादीमध्ये होत्या. २०१९ च्या निवडणुकीच्या वेळी शरद पवार यांनी त्यांची पक्षाच्या अधिकृत उमेदवार म्हणून घोषणाही केली होती. मात्र त्यानंतर लगेचच मुंदडा यांनी भाजपात प्रवेश केला. त्यांच्या सासूबाई विमल मुंदडा या राष्ट्रवादीमध्ये असून त्या राज्याच्या माजी मंत्री होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
