.jpg?rect=0%2C0%2C1200%2C675&w=480&auto=format%2Ccompress&fit=max)
मुंबई : राज्य सरकारनं आज हरित ऊर्जा क्षेत्रात महत्वाचे सामंजस्य करार केले. या करारामुळं राज्यात ९० हजार रोजगार, ५६ हजार मेगावॅट वीज आणि २.९३ लाखांची गुंतवणूक होणार आहे. उपमुख्यमंत्री देवेंद्र फडणवीस यांनी याची माहिती दिली आहे.
फडणवीस म्हणाले, पंप स्टोरेज स्कीमच्या अर्थात पीएसपीच्या क्षेत्रामधील महत्वाच्या सामंज्यस्य करारांवर आज महाराष्ट्र सरकारनं स्वाक्षऱ्या केल्या आहेत. यामध्ये जवळपास १५ हजार मेगावॅट वीजनिर्मिती, ८२ हजार कोटी रुपयांची गुंतवणूक आणि जवळपास १८,००० रोजगार मिळणार आहेत.
तीन भागात आम्ही हे करार केले आहेत. यामध्ये एकट्या पीएसपीच्या क्षेत्रात महाराष्ट्रानं ज्या करारांवर स्वाक्षऱ्या केल्या आहेत. त्यातून ५६ हजार मेगावॅट वीज यामध्ये क्लीन एनर्जी, ग्रीन एनर्जी महाराष्ट्राला मिळणार आहे. यामध्ये जवळपास २ लाख ९३ कोटी रुपयांची गुंतवणूक होणार आहे. तर ९० हजार लोकांना यातून रोजगार मिळणार आहे.
तसंच इतरही अनेक सामंजस्य करारांवर आम्ही स्वाक्षऱ्या केल्या आहेत. यामध्ये फ्लोटिंग सोलर, विंड एनर्जी, ग्रीन हायड्रोजन एनर्जी यांचा समावेश असणार आहे. यामध्ये सुमारे ४७ हजार कोटी रुपयांची गुंतवणूक होणार आहे. १८ हजार लोकांना यातून रोजगार मिळणार आहे. तर सुमारे साडेपाच हजार मेगावॅट ग्रीन एनर्जी यातून उपलब्ध होणार आहे.
२०३० साली महाराष्ट्रात आपण जेवढी वीज वापरु यातील ५० टक्के वीज ही क्लीन एनर्जीच्या रुपात असेल हे जे आपलं ध्येय आहे. त्याकडं या करारांद्वारे आपली वाटचार वेगानं सुरु झाली आहे. आमच्या या धोरणामुळं महाराष्ट्र या सर्वांमध्ये पहिल्या क्रमांकावर पोहोचला आहे, असंही फडणवीस यांनी म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
