Marathi News Updates : महाराष्ट्रासह देशभरातील महत्त्वाच्या बातम्यांचे अपडेट्स, जाणून घ्या एका क्लिकवर

आसाम राज्याला भूकंपाचे हादरे जाणवले आहेत. भूकंपाची तीव्रता ४.४ रिश्टर स्केल इतकी होती.

राजस्थानमध्ये काँग्रेस पुन्हा बहुमत मिळवून सत्तेत येईल, असा दावा मुख्यमंत्री अशोक गहलोत यांनी केला आहे.

कॉंग्रेसने आमदार संदीप जाखर यांची पक्षातून हकालपट्टी केली आहे. पक्षविरोधी कारवाई करण्याच्या आरोप त्यांच्यावर ठेवण्यात आला आहे. ते भारतीय जनता पक्षाच्या पदाधिकाऱ्याचे पुतणे आहेत.

आदित्य ठाकरे सध्या नाशिकमध्ये होते. यावेळी त्यांनी प्रवासाचा अनुभव सांगितला. ते म्हणाले की, "खड्ड्यांचा अनुभव वाईट आहे. कुणीही लक्ष देत नाही "

दिल्ली पोलिसांनी ४० कोटींचा गांजा जप्त केला आहे.

राष्ट्रवादीचे आमदार जितेंद्र आव्हाड यांनी नवाब मलिकांची भेट घेतली आहे.

रतन टाटा यांना महाराष्ट्र शासनाकडून उद्योग रत्न पुरस्कार जाहीर करण्यात आला होता. महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या हस्ते रतना टाटांना हा पुरस्कार देण्यात आला.

दैनिक 'सामना'मध्ये देवेंद्र फडणवीस यांच्यावर केलेल्या टीकेमुळे भारतीय जनता युवा मोर्चाच्या कार्यकर्त्यांनी मुंबईतील चर्चगेटमध्ये आंदोलन करण्यात आलंय. यावेळी कार्यकर्त्यांनी संजय राऊत, उद्धव ठाकरे यांच्याविरोधात घोषणाबाजी करण्यात आली आहे.

छत्तीसगडमध्ये विधानसभेच्या निवडणूका जाहीर करण्यात आल्या आहेत. त्यामुळे प्रत्येक राजकीय पक्ष निवडणुकीच्या तयारीला लागले आहेत. अशातच, अरविंद केजरीवाल यांनी रायपुरमध्ये भाषण करताना छत्तीसगडच्या लोकांना ३०० युनिटपर्यंत मोफत वीज देण्याची घोषणा केली.

कॅनडामध्ये जंगलाला लागलेल्या विक्राळ रुप धारण केलं आहे. या वणव्यामुळे जवळपास १० हजार लोकांना आपले घर सोडावे लागले आहे. अजूनही २० हजार लोकांचे स्थलांतर करण्याची तयारी सुरु आहे.

भारतीय जनता पक्षाचे राष्ट्रीय अध्यक्ष जेपी नड्डा पुढील आठवड्यात पक्षाच्या सरचिटणीसांची बैठक घेणार आहेत

महाराष्ट्र सरकारकडून उद्योगरत्न पुरस्कार सुरू करण्यात आला आणि हा पहिला पुरस्कार उद्योगपती रतन टाटा यांना देण्यात आला. देशासाठी रतन टाटा आणि टाटा समूहाचे योगदान मोठे आहे. महाराष्ट्र सरकारचा हा महत्वपूर्ण पुरस्कार स्वीकारल्याबद्दल मी त्यांचे आभार मानतो. रतन टाटा यांना हा पुरस्कार दिल्याने या पुरस्काराची देखील सन्मान आणि उंची वाढली आहे, अशी प्रतिक्रया मुख्यमंत्री एकनाथ शिंदे यांनी दिली.

उद्योगपती रतन टाटा यांना महाराष्ट्राचे मुख्यमंत्री एकनाथ शिंदे आणि उपमुख्यमंत्री अजित पवार आणि देवेंद्र फडणवीस यांच्या हस्ते त्यांच्या निवासस्थानी उद्योगरत्न पुरस्काराने सन्मानित करण्यात आले.

मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार लवकरच प्रसिद्ध उद्योगपती रतन टाटा यांच्या कुलाबा येथील निवासस्थानी पोहचतील. या सर्व नेत्यांच्या उपस्थितीत उद्योगपती रतन टाटा यांना आज पहिला उद्योगरत्न पुरस्कार प्रदान केला जाणार आहे.

मनसे अध्यक्ष राज ठाकरे हे आज पुणे दौऱ्यावर आहेत. दरम्यान त्यांच्या स्वागतासाठी पिंपरी चिंचवड येथे जय्यत तयारी करण्यात आली आहे. ढोल ताशांच्या गजरात त्यांचं शहरात स्वागत करण्यात आलं. राज ठाकरे हे दोन दिवस पुणे दौऱ्यावर असणार आहेत. या काळात ते कार्यकर्ते आणि पदाधिकाऱ्यांशी देखील संवाद साधणार आहेत.

मुंबई विद्यापीठ सिनेट निवडणूका आणि अमित ठाकरे यांनी केलेल्या टीकेवर उद्धव ठाकरे गटाचे नेते आदित्य ठाकरेंनी प्रतिक्रिया दिली आहे. मी काही लोकांवर बोलत नाही. त्यांना करू दे... मी काल पण हेच सांगत होतो... निवडणूक जशी स्थगित झाली, यांची तयारी नाहीये. कार्यक्रम जाहीर झाल्यानंतर निवडणुका स्थगित होणं हे अत्यंत धोकादायक आहे... असेच हे लोकसभेच्या निवडणुका स्थगित करू शकतात. आपल्या देशात लोकशाही नाहीय असच समजून पुढची वाटचाल होणार आहे, असे आदित्य ठाकरे म्हणाले आहेत

कर्नाटकात शिवरायांचा पुतळा हटवल्याबद्दल बोलताना अदित्य ठाकरे म्हणाले की, लोक योग्य ती प्रतिक्रिया देणारच आहेत... मात्र, या सगळ्याच्या मागे नक्की कोण आहे? हे पाहणं गरजेचं आहे.

उपमुख्यमंत्री अजित पवार हे आज, शनिवार, दि.१९ ऑगस्ट २०२३ रोजी दुपारी १२.३० वाजता, पद्मविभूषण रतन टाटा यांच्या कुलाबा येथील निवासस्थानी भेट देणार आहेत. यावेळी त्यांच्यासोबत मुख्यमंत्री एकनाथ शिंदे व उपमुख्यमंत्री देवेंद्र फडणवीस देखील असणार आहेत. यावेळी रतन टाटा यांना महाराष्ट्र शासनाचा ''उद्योगरत्न" पुरस्कार सन्मानपूर्वक प्रदान करून गौरवण्यात येईल.