दिवसभरातील घडामोडी जाणून घ्या एका क्लिकवर

भारताच्या ऐश्वर्य प्रतापसिंह तोमर यानं ५० मीटर रायफल शुटिंगमध्ये सुवर्ण पदक पटकावलं आहे. थ्री पोझिशन इव्हेंटमध्ये त्यांनं ही कामगिरी केली. यामुळं भारताच्या खात्यात शुटिंगमधील दुसरं सुवर्ण जमा झालं आहे.

शॉर्ट सर्किटमुळे बसला आग लागल्याचं सांगितलं जात असून सुदैवाने या घटनेमध्ये कुठलीही जीवितहानी झालेली नाही. मुंबईतल्या अंधेरीमध्ये सायंकाळी ही घटना घडली.

चिंचवडमध्ये पोटनिवडणूक प्रचारासाठी आज मुख्यमंत्री एकनाथ शिंदे दाखल झाले आहे. भाजप उमेदवार अश्विनी जगताप यांच्या प्रचारासाठी शिंदें चिंचवडमध्ये उपस्थित आहेत. यावेळी मुख्यमंत्र्यांचं जंगी स्वागत करण्यात आलं.

आम आदमी पक्षाचे आले मोहम्मद इक्बाल हे दिल्लीचे उपमहापौर म्हणून निवडून आले आहेत. भाजपच्या कमल बागडी यांचा त्यांनी पराभव केला.

निवडणूक आयोगाने शिंदे गटाला शिवसेना नाव आणि निवडणूक चिन्ह दिल्यानंतर आज सुप्रीम कोर्टाने याबाबत उत्तर मागवलं आहे. मुख्यमंत्री शिंदे आणि निवडणूक आयोगाकडे नोटिसीद्वारे उत्तर मागवलं आहे. तसेच जैसे थे परिस्थिती ठेवण्यात कोर्टाने सांगितलं असून पुढील सुनावणी दोन आठवड्यांनी होणार आहे.

निवडणूक आयोगाने शिंदे गटाला शिवसेना नाव आणि निवडणूक चिन्ह दिल्यानंतर आज सुप्रीम कोर्टाने याबाबत उत्तर मागवलं आहे. मुख्यमंत्री शिंदे आणि निवडणूक आयोगाकडे नोटिसीद्वारे उत्तर मागवलं आहे.

आज सकाळी आमदारांच्या अपात्रतेबाबत सुनावणी झाल्यानंतर दुपारनंतर निवडणूक आयोगाच्या निर्णयावर सुनावणी सुरु आहे. ठाकरे गटाचे वकील कपिल सिब्बल हे युक्तिवाद करीत आहेत.

दिल्लीच्या महापौर पदाच्या भाजप उमेदवार रेखा गुप्ता यांचा पराभव करुन आम आदमी पक्षाच्या उमेदवार शैली ओबेरॉय विजयी झाल्या आहेत.

दुपारच्या ब्रेकनंतर सर्वोच्च न्यायालयामध्ये सत्तासंघर्षाच्या सुनावणीला पुन्हा सुरुवात झाली आहे. ठाकरे गटाचे वकील कपिल सिब्बल यांचा युक्तिवाद सुरु आहे.

सर्वोच्च न्यायालयाच्या आदेशमुळेच घटनात्मक पेच

पुरेसा वेळ न मिळाल्यामुळे उद्धव ठाकरे यांनी राजीनामा दिला

2018 मधील शिवसेनेच्या अंतर्गत निवडणुकीची माहिती दिली होती

पक्षप्रमुख म्हणून उद्धव ठाकरेंची त्यासाह इतर पदाधिकाऱ्यांचीही निवड झाली होती.

पदाधिकारी नेमणुकीत एकनाथ शिंदे यांचं नाव चौथ्या क्रमांकावर होतं.

राष्ट्रीय कार्यकारिणीच्या बैठकीत काही नेत्यांची नेमणूक झाली तर काही जण निवडून आले.

2019 च्या निवडणुकीनंतर शिवसेनेच्या नव्या आमदारांची सेना भवनात बैठक झाली

सेना भवनावरील बैठकीत सर्व अधिकार उद्धव ठाकरे यांना देण्याचा ठराव झाला होता.

सुनील प्रभू यांची प्रतोद म्हणून नेमणूक झाली होती.

24 नोव्हेंबर 2019 ला ठाकरे मुख्यमंत्री नव्हते तर केवळ पक्षाचे अध्यक्ष होते.

बैठकीतील निर्णय कोणाचे? सरन्यायाधीशांचा प्रश्न

सर्व आमदारांनी एकत्रित निर्णय घेतल्याचं दिसतंय

शिवसेना पक्षाचे नाव आणि चिन्ह शिंदे गटाला द्यायच्या निर्णया विरोधात दाखल केलेल्या ठाकरे गटाच्या याचिकेवर आज दुपारी 3.30 वाजता सुप्रिम कोर्टात सुनावणी होणार आहे. 

महाराष्ट्रातील सत्तासंघर्षाच्या सुप्रिम कोर्टातल्या सुनावणीचा आज दुसरा दिवस आहे. आज दुसऱ्या दिवशी सुद्धा कपिल सिब्बल युक्तीवाद करणार आहेत.

एमपीएससी करणाऱ्या विद्यार्थ्यांमध्ये गटबाजी झाली असल्याचं व्यक्त करण्यात येत आहे. आंदोलन करणाऱ्या विद्यार्थ्यांमध्ये फूट पडली असल्याचं बोललं जात आहे. काल शरद पवारांनी भेट दिल्यानंतर अनेक विद्यार्थ्यांनी आंदोलनातून माघार घेतली मात्र अजूनही काही जणं आंदोलनावर ठाम आहेत. आज सकाळपासून आंदोलनात विद्यार्थ्यांची संख्या तुरळक दिसून येत आहे. नोटिफिकेशन निघत नाही तोपर्यंत विद्यार्थ्यांच उपोषण आणि आंदोलन सुरूच राहणार, उपस्थित विद्यार्थ्यांनी पवित्रा घेतला आहे.

संजय राऊत यांच्या सुरक्षेसाठी 3 पोलिस कर्मचारी तैनात करण्यात आले आहेत. जीवाला धोका असल्याचं पत्र राऊत यांच्याकडून काल पोलिस आणि गृहमंत्र्यांकडे केली होती. संजय राऊत यांच्या नाशिक दौऱ्यादरम्यान अधिकची सुरक्षा तैनात करण्यात येणार आहे.

मुंबईच्या कमला नगर झोपडपट्टीमध्ये पहाटे 4 च्या सुमारास भीषण आग लागली होती. आगीत 25 पेक्षा जास्त झोपड्या जळून खाक झाल्या आहेत. तीन तासांनंतर आगीवर नियंत्रण मिळवण्यात यश आले आहे. या आगीमुळे परिसरातील वाहतुकीतही मोठे बदल करण्यात आले आहेत. याबाबत मुंबई ट्रॅफिक पोलिसांनी ट्वीट केलं आहे.

देशासह राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन या सर्व घडामोडींचे अपडेट जाणून घ्या एका क्लिकवर