Latest Marathi News Updates : कुलाब्यातून ९ कोटी रुपये किमतीचे डॉलर्स जप्त

कुलाब्यातून ९ कोटी रुपये किमतीचे डॉलर्स ताब्यात घेण्यात आले आहेत. निवडणुकीच्या पार्श्वभूमीवर सुरू असलेल्या तपासणीत दक्षिण मुंबईतील महत्त्वाच्या कुलाबा मतदारसंघात कैवल्यधाम परिसरात बुधवारी निवडणूक आयोगाच्या पथकाने विविध देशांचे डॉलर वाहून नेणारं वाहन पकडलं. या डॉलरची भारतीय चलनानुसार नऊ कोटी रुपये किंमत आहे.."आम्हाला इम्पोर्टेड माल नको... आमचा ओरिजनल माल आहे.." अशी प्रतिक्रिया ठाकरे गटाचे नेते अरविंद सावंत दिली आहे. त्यामुळे शिवसेनेच्या उमेदवार शायना एनसी यांनी नाराजी व्यक्त केली आहे..नवी मुंबईतील उलवे येथील जावळे गावात किराणा दुकानात गॅस सिलेंडरचा स्फोट झाल्यामुळे एकाच कुटुंबातील चौघांचा मृत्यू झाला आहे. या स्फोटाची तीव्रता अतिशय भयंकर होती, त्यामुळे तीन जणांचा जागीच मृत्यू झाला, तर एकाने रुग्णालयात दम तोडला. मृत्युमुखी पडलेल्यांमध्ये आई-वडील आणि दोन मुलांचा समावेश आहे..छत्रपती संभाजीनगर जिल्ह्यात निवडणुकीदरम्यान पोलिसांनी तपासणी मोहीम जोरात हाती घेतली आहे. या मोहिमेत ७९ लाखांचे ड्रग्ज, २७ लाखांची दारू आणि रोख १२ लाख जप्त संभाजीनगर शहर पोलिसांनी जप्त केले आहेत. निवडणुकीचे काळात बेहिशेबी पैसा, बेकायदा दारू, संभाजीनगर शहरात वाढलेली ड्रग्ज विक्रिविरोधात जिल्हा प्रशासनाने कडक कारवाई सुरू केली आहे. .बारामती : महाराष्ट्र विधानसभा निवडणुकीच्या प्रचाराचा एक भाग म्हणून राज्याचे उपमुख्यमंत्री अजित पवार यांनी मालाड गावातील ग्रामस्थांशी संवाद साधला..दिवाळीच्या सणादरम्यान झालेल्या फटाक्यांच्या आतषबाजीमुळे हवेची गुणवत्ता खालावली आहे. सिस्टम ऑफ एयर क्वालिटी एंड वेदर फोरकास्टिंग एंड रिसर्च (SAFAR) नुसार आज राजधानी दिल्लीतील एयर क्वालिटी इंडेक्स (AQI) ४०० च्या (स्तरावर) पोहोचला आहे. आनंद विहार इथं AQI ४१९ वर पोहोचला आहे. जेएलएन स्टेडियममध्ये AQI ३७४ वर पोहोचला, जो अतिशय खराब श्रेणीत आहे. तर, जहांगिरपुरी आणि द्वारका इथला AQI ३९५ इतक्या खराब स्तरावर पोहोचला आहे..निपाणी : आज काळ्या दिनी येथील साखरवाडीतील मराठा मंडळ सांस्कृतिक भवनात काळा दिन कार्यक्रमाचे आयोजन केले आहे. सकाळी १० वाजता सुरू होणाऱ्या कार्यक्रमास शहर परिसरातील महाराष्ट्र एकीकरण समिती, शिवसेना कार्यकर्त्यांसह सर्व स्तरातील मराठी भाषिकांनी मोठ्या संख्येने उपस्थित राहण्याचे आवाहन महाराष्ट्र एकीकरण समितीचे निपाणी भाग अध्यक्ष जयराम मिरजकर यांनी केले आहे..भारतीय हवामान विभागाने आज पावसाचा अंदाज वर्तवलाय. महाराष्ट्राचा काही भाग केरळ, तामिळनाडू या राज्यात आज मुसळधार ते अतिमुसळधार पावसाचा अंदाज वर्तवण्यात आला आहे. महाराष्ट्रात कोकणात आणि मध्य महाराष्ट्रात तुरळक ठिकाणी अतिमुसळधार पावसाचा अंदाज वर्तवण्यात आलाय. रत्नागिरी, सिंधुदुर्ग, सातारा, धाराशिव आणि बीड जिल्ह्यात आज पावसाची शक्यता आहे..बेळगाव : राज्योत्सव दिनानिमित्त शुक्रवारी (ता. १) बेळगाव शहर आणि तालुक्यामध्ये विक्रीवर निर्बंध घालण्यात आले आहेत. अतिरिक्त दंडाधिकारी तसेच पोलिस आयुक्तांनी हा आदेश बजावला आहे. बेळगावात आज कर्नाटक राज्योत्सव साजरा होत आहे. यानिमित्त विविध चित्ररथांची मिरवणूक शहर परिसरातील मुख्य मार्ग आणि गल्लीतून काढण्यात येणार आहे. मिरवणूक शांततेत पार पडावी, यासाठी खबरदारी घेतली आहे. शनिवारी (ता. २) नोव्हेंबर रोजी सकाळी ६ पर्यंत मद्यविक्रीवर बंदी असणार नाही. दुकाने, बार, रेस्टॉरंट, क्लब आणि मद्याची साठवणूक करणाऱ्या डेपोमधून पुरवठा बंद करण्याचा आदेश जारी करण्यात आला आहे. .शिवसेनेचे माहिमचे उमेदवार सदा सरवणकर वर्षावर दाखल झाले असून गेल्या तासभरापासून सरवणकर आणि शिंदेंमध्ये खलबते सुरु आहेत. सरवणकर निवडणूक लढवण्यावर ठाम असल्याने या भेटीला महत्व आहे..Latest Marathi Live Updates 1 November 2024 : भाषावार प्रांतरचना करताना बेळगाव, कारवार, निपाणी, बिदर भालकीसह मराठीबहुल सीमाभाग अन्यायाने कर्नाटकात डांबण्यात आल्याच्या निषेधार्थ आज काळा दिन पाळण्यात येणार आहे. ‘संपू दे अंधार सारा, उजळू दे आकाश तारे, गंधाळल्या पहाटेस येथे वाहू दे आनंद वारे...’ अशा शुभेच्छा देत दीपोत्सवाचा चैतन्य सोहळा आता सर्वत्र सजला आहे. आबालवृद्धांचा आनंद टिपेला पोहचला असून आज सर्वत्र लक्ष्मीपूजन साजरे होणार आहे. अमित ठाकरे यांच्या प्रचाराचा आज शुभारंभ होणार आहे. त्याचबरोबर राज्यातील काही भागात ढगाळ वातावरण पहायला मिळत असून काही जिल्ह्यांत जोरदार पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.