सबस्क्राईब करा
मंत्रिमंडळाच्या बैठकी मुख्यमंत्री एकनाथ शिंदे सहयाद्रीवर दाखल झाले आहेत
मध्य प्रदेशच्या भोपाळ मध्ये संजय राऊत यांच्या विरोधात गुन्हा दाखल करण्यात आला आहे. 'लाडकी बहीण योजने'बद्दल केलेल्या वक्तव्यावरून संजय राऊत यांच्या विरोधात गुन्हा करण्यात आला.
-"मध्य प्रदेशात लाडकी बहीण योजना बंद झाली आहे तर महाराष्ट्रातही ही योजना बंद होऊ शकते" असं वक्तव्य संजय राऊत यांनी केल्याचा आरोप करण्यात आला. भाजप जिल्हा महिला मोर्चाच्या अध्यक्षा वंदना जाचक आणि उपाध्यक्षा सुषमा चौधरी यांच्या तक्रारीवरून राऊत यांच्या विरोधात गुन्हा दाखल करण्यात आला.
-मध्य प्रदेशात सरकारतर्फे लाभार्थी महिलांना दर महिना 1250 रुपयांचा निधी देण्यात येतोय. राऊत यांच्याविरोधात भारतीय न्याय संहितेच्या 353 (2) चुकीची माहिती प्रसारित करणे,भ्रम पसरवणे,आणि 356 अंतर्गत गुन्हा दाखल करण्यात आला.
राज्य सरकारने सर रतन टाटा यांच्या निधनानंतर दुखवटा जाहीर केला असला तरी मंत्रिमंडळाची नियोजित बैठक आज होणार आहे. या बैठकीत कोणतेही मोठे निर्णय घेण्याची शक्यता कमी असून, सर रतन टाटा यांना आदरांजली वाहण्याकरिता शोक प्रस्ताव मांडला जाणार आहे.
दिवंगत रतन टाटा यांच्या मुंबईतील निवासस्थानाबाहेरील व्हिडीओ समोर आला आहे. येथून त्यांचे पार्थिव एनसीपीए लॉनमध्ये नेले जात आहे. त्यांचे पार्थिव अंत्यदर्शनासाठी NCPA लॉन्स येथे सकाळी 10:00 ते दुपारी 3:30 या वेळेत ठेवण्यात येणार आहे.
VIDEO | Visuals from outside Late Ratan Tata’s residence in Mumbai from where his mortal remains are being taken to NCPA Lawns.
— Press Trust of India (@PTI_News) October 10, 2024
His mortal remains will be kept at NCPA Lawns from 10:00 am to 3:30 pm for the public to pay their last respects.#RatanTata
(Full video available on… pic.twitter.com/Os9a6HzsAC
शिवसेना नेते राहूल कनाल यांनी मुख्यमंत्री एकनाथ शिंदे यांना पत्र लिहून भारत सरकारकडून दिला जाणारा सर्वोच्च नागरी पुरस्कार भारतरत्न या पुरस्कारासाठी केंद्र सरकारकडे रतन टाटा यांचे नाव प्रस्तावित करण्याची विनंती केली आहे. ही पावती मानवतेसाठी दयाळूपणा, सचोटी आणि निःस्वार्थ सेवा या मूल्यांचे प्रतीक असलेल्या माणसाला योग्य श्रद्धांजली म्हणून काम करेल, असं मत पत्राद्वारे व्यक्त करण्यात आले आहे.
उद्योगपती रतन टाटा यांचे बुधवारी रात्री दुख निधन झाले. राज्य सरकारने एक दिवसीय दुखवटा जाहिर केला असून मंत्रालयावरील तिरंगा झेंडा हा अर्धा उतरवण्यात आला आहे. रतन टाटा यांचे पार्थिव 10.30 वाजता एनसीपी येथे अंतिम दर्शनासाठी आणण्यात येणार आहे. यादरम्यान माजी क्रिकेटपटू सचिन तेंडुलकर रतन टाटा यांच्या निवसस्थानी दाखल झाला आहे
प्रसिद्ध उद्योगपती रतन टाटा यांचे बुधवारी रात्री उशिरा निधन झाले. आज त्यांच्या पार्थिवावर अंत्यसंस्कार करण्यात येणार आहेत. रतन टाटा यांच्या पार्थिवावर शासकीय इतमामात अंत्यसंस्कार करण्यात येणार असल्याची माहिती महाराष्ट्राचे मुख्यमंत्री एकनाथ शिंदे यांनी प्रसारमाध्यमांना दिली. त्यांना अखेरचा निरोप देण्यासाठी देशाचे गृहमंत्री अमित शहा मुंबईत येणार आहेत. पंतप्रधान मोदींनी रतन टाटा यांचे भाऊ नोएल टाटा यांच्याशी फोनवर बोलून शोक व्यक्त केला.
बंगळूर : महिलेने माझ्यावर विनयभंग केल्याचा आरोप केला आहे आणि एका खासगी वृत्तवाहिनीच्या प्रमुखाने दोन कोटी रुपयांची मागणी केली आहे, असा आरोप करत आमदार विनय कुलकर्णी यांनी संजयनगर पोलिस ठाण्यामध्ये तक्रार दाखल केली आहे.
ज्येष्ठ उद्योगपती रतन टाटा यांचे पार्थिव सध्या त्यांच्या हलेकाय या राहत्या निवासस्थानी ठेवण्यात आले आहे. सकाळी १० वाजता हलेकाय येथून टाटा यांचे पार्थिव नरिमन पॉईंट येथील एनसीपीए याठिकाणी हलवण्यात येईल. सकाळी १० ते दुपारी ३.३० वाजेपर्यंत सर्वसामान्य लोकांना एनसीपीए याठिकाणी टाटा यांच्या पार्थिवाचे अंत्यदर्शन घेता येईल. एनसीपीएच्या प्रवेशद्वार क्रमांक ३ मधून लोकांना अंत्यदर्शनासाठी प्रवेश दिला जाईल, तर प्रवेशद्वार क्रमांक २ मधून नागरिकांना दर्शन घेऊन बाहेर पडता येईल. दुपारी ३.३० वाजता टाटा यांचे पार्थिव अंत्यसंस्कार करण्यासाठी वरळीच्या दिशेने रवाना होईल. सायंकाळी ४ वाजता मरिन ड्राईव्ह मार्गे पेडर रोड करत ही अंत्ययात्रा वरळी येथील स्मशानभूमीत पोहचेल. सायंकाळी ४.३० वाजता टाटांच्या पार्थिवावर शासकीय इतमामात पारसी पद्धतीने अंत्यसंस्कार केले जातील.
आज (ता. १०) राज्यात पावसाचा जोर वाढण्याचा अंदाज आहे. आज राज्यभरातील विविध जिल्ह्यांमध्ये वादळी वारे, विजांसह जोरदार सरींची शक्यता असल्याने राज्यात सतर्कतेचा इशारा (येलो अलर्ट) हवामान विभागाने दिला आहे. हवामान विभागाने रत्नागिरी, सिंधुदुर्ग, सातारा, कोल्हापूर या जिल्ह्यांमध्ये विजांसह जोरदार पावसाचा इशारा (यलो अलर्ट) दिला आहे. तसेच नगर, पुणे, सांगली, छत्रपती संभाजीनगर, जालना, बीड, धाराशिव, परभणी, बुलडाणा, अकोला, वाशीम, यवतमाळ, वर्धा, चंद्रपूर, गडचिरोली पालघर, ठाणे, रायगड, नंदूरबार, धुळे, जळगाव, नाशिक या जिल्ह्यांमध्ये विजांसह पावसाचा इशारा (येलो अलर्ट) जारी करण्यात आला आहे.
अहिल्यानगर : जिल्ह्याच्या नामांतराबाबत महाराष्ट्राचे मुख्यमंत्री एकनाथ शिंदे यांच्याकडून घोषणा झाल्यानंतर प्रत्यक्ष नामांतर कधी होणार, याबाबत चर्चा सुरू होती. अखेर हा दिवस उजाडला आहे. अहमदनगरचे नाव आता बदलून आता अहिल्यानगर झाले आहे. महाराष्ट्र शासनाने मंगळवारी (ता. ८) याबाबत राजपत्र प्रकाशित केले आहे.
आज मुंबईत होणारे राज्य शासनाचे सर्व कार्यक्रम रद्द करण्यात आले आहेत. राज्य शासनाचे सर्व कार्यक्रम परवा घेण्यात येणार आहेत. प्रसिद्ध उद्योगपती रतन टाटा यांच्या निधनामुळे शासकीय कार्यक्रम रद्द करण्याचा निर्णय घेण्यात आला. रतन टाटा यांच्यावर आज शासकीय इतमामात अंतिम संस्कार करण्यात येणार असल्याची माहिती पालकमंत्री दीपक केसरकर यांनी दिली.
Mumbai | Maharashtra Minister Deepak Kesarkar says "All the programs of the state government in Mumbai have been cancelled for tomorrow, due to the death of industrialist Ratan Tata..." pic.twitter.com/BsXWKOtYUc
— ANI (@ANI) October 9, 2024
#WATCH | Maharashtra: The mortal remains of Industrialist Ratan Tata, who passed away at Breach Candy Hospital in Mumbai, were brought to his residence in Colaba
— ANI (@ANI) October 9, 2024
(Visuals from his residence in Colaba) pic.twitter.com/fdbfiWy6mA
Latest Marathi Live Updates 10 October 2024 : ज्येष्ठ उद्योगपती व टाटा सन्सचे माजी चेअरमन रतन टाटा यांचं वयाच्या ८६ व्या वर्षी निधन झालं. प्रकृती खालावल्यामुळे त्यांना बुधवारी मुंबईतील ब्रीच कॅन्डी रुग्णालयात दाखल करण्यात आलं होतं. मात्र, उपाचारादरम्यान त्यांची प्राणज्योत मालवली. टाटा यांच्या निधनानंतर त्यांच्या सन्मानार्थ राज्यात आज एक दिवसांचा दुखवटा पाळण्यात येणार आहे. यासंदर्भात मुख्यमंत्री एकनाथ शिंदे यांनी घोषणा केली आहे. तसेच मुंबईत होणारे राज्य शासनाचे सर्व कार्यक्रम रद्द करण्यात आले आहेत. म्हैसूर शहर विकास प्राधिकरणाच्या (मुडा) भूखंड वाटप प्रकरणाचा तपास करणाऱ्या लोकायुक्त पोलिसांनी मुख्यमंत्री सिद्धरामय्या यांच्या पत्नी पार्वती यांचे भाऊ मल्लिकार्जुन आणि देवराजू यांना नोटीस बजावली आहे. मराठा आणि ओबीसी आरक्षणाचा लाभ घेण्यासाठी असलेली ‘नॉन क्रिमिलेयर’ प्रमाणपत्रासाठी असलेली उत्पन्नाची मर्यादा आता १५ लाख रुपयांपर्यंत वाढविण्यात येणार आहे. याबाबतचा प्रस्ताव लवकरच राज्य मंत्रिमंडळाच्या होणाऱ्या बैठकीत सादर करण्यात येणार आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
