Latest Maharashtra News Updates : राष्ट्रीय स्वयंसेवक संघाच्या अखिल भारतीय कार्यकारी मंडळाच्या बैठकीला सुरुवात

राष्ट्रीय स्वयंसेवक संघाच्या अखिल भारतीय कार्यकारी मंडळाच्या बैठकीला सुरुवात. बैठकीला सरसंघचालक मोहन भागवत आणि सरकार्यवाह दत्तात्रेय होसाबळे आणि इतर अधिकारी उपस्थित..चक्रीवादळ 'दाना'चा प्रभाव मोठ्या प्रमाणात दिसून येत आहे. यामुळे ओडिशा आणि पश्चिम बंगालमध्ये जोरदार वादळी वाऱ्यासह पाऊस पडत आहे. ओडिशामध्ये 'दाना' वादळामुळे अनेक भागात झाडे आणि विजेचे खांब रस्त्यावर पडले आहेत. अनेक निवासी भागात घरांचेही नुकसान झाले आहे. ओडिशातील भद्रक येथील धामरा भागातील किनारपट्टीवरील गावांमध्ये झाडे पडल्याने रस्ते बंद झाले आहेत. .राज्यात विधानसभा सार्वत्रिक निवडणूक २०२४ साठी १५ ऑक्टोबर २०२४ पासून आदर्श आचारसंहिता लागू झाली आहे. राज्य शासनाच्या व केंद्र शासनाच्या विविध अंमलबजावणी यंत्रणांद्वारे करण्यात आलेल्या कारवाईत बेकायदा पैसे, दारू, ड्रग्ज व मौल्यवान धातू इत्यादी बाबतीत १५ ते २४ ऑक्टोबर २०२४ पर्यंत एकूण ९० कोटी ७४ लाख रुपयांची मालमत्ता जप्त करण्यात आली असून त्यापैकी गेल्या २४ तासात ५२ कोटी रुपयांची मालमत्ता जप्त करण्यात आली असल्याची माहिती मुख्य निवडणूक अधिकारी कार्यालयाने दिली आहे. .याआधी ३८ उमेदवारांची यादी जाहीर करण्यात आली होती. आता ७ उमेदवारांची दुसरी यादी राष्ट्रवादीने जाहीर केली आहे. .पुणे : महाराष्ट्रात आगामी विधानसभा निवडणुकीच्या पार्श्वभूमीवर 'परिवर्तन महाशक्ती'ची स्थापना करण्यात आली आहे. छत्रपती संभाजीराजे यांचा महाराष्ट्र स्वराज्य पक्ष, बच्चू कडू यांचा प्रहार जनशक्ती पक्ष, राजू शेट्टी यांचा स्वाभिमानी पक्ष व समविचारी नेत्यांनी एकत्र येवून राज्यातील जनतेला सक्षम पर्याय दिला आहे. 'परिवर्तन महाशक्ती'मधील महाराष्ट्र स्वराज्य पक्ष व प्रहार जनशक्ती च्या २८ जागांची निश्चिती झाली आहे, तर लवकरच स्वाभिमानी पक्षाच्या देखील जागांची घोषणा करण्यात येणार आहे..कोल्हापूर : कोल्हापूर दक्षिण विधानसभा मतदारसंघातील शाहू टोल नाका, उजळाईवाडी येथील चेकपोस्ट नाक्यावर स्थिर सर्वेक्षण पथकाने वाहन तपासणी दरम्यान एका चारचाकी वाहनातून सहा लाख ९४ हजार रुपये रोख रक्कम जप्त केली. बुधवारी (ता. २३) सायंकाळी पावणेसातच्या सुमारास ही कारवाई करण्यात आली. चेकपोस्ट नाक्यावर पथक क्रमांक. आठचे प्रमुख सुशांत शिरतांडे यांच्या नेतृत्वाखालील पथकाने ही कारवाई केली. जप्त केलेली रक्कम जिल्हाकोषागार कार्यालय येथे सिलबंद करून ठेवण्यात आली आहे, अशी माहिती मतदारसंघाचे निवडणूक निर्णय अधिकारी हरिष धार्मिक यांनी दिली..मुंबई : भाजप नेते निशिकांत भोसले-पाटील आणि भाजपचे माजी खासदार संजयकाका पाटील यांनी उपमुख्यमंत्री आणि पक्षप्रमुख अजित पवार यांच्या उपस्थितीत राष्ट्रवादी काँग्रेसमध्ये प्रवेश केला..विदर्भातील 15 मतदारसंघाच्या लढतीचे चित्र स्पष्ट झाले आहे. सात जागी भाजप-काँग्रेसचा थेट सामना होणार आहे. प्रत्येकी दोन जागांवर ठाकरेंची शिवसेना विरुद्ध शिंदे यांची शिवसेना, तसेच अजित पवारांची राष्ट्रवादी विरोधात शरद पवारांची राष्ट्रवादी एकमेकांना आव्हान देणार आहेत. भाजप आणि काँग्रेसमध्ये सामना होत असलेल्या जागांमध्ये उपमुख्यमंत्री देवेंद्र फडणवीस यांचा नागपूर दक्षिण पश्चिम हा मतदारसंघ देखील आहे..मुंबई, पुण्यासह काही शहरात आज ढगाळ वातावरण असेल. अरबी समुद्रासह बंगालच्या उपसागरात निर्माण होणाऱ्या कमी दाबाच्या पट्ट्यामुळे सध्या देशभरात पाऊस कोसळत आहे. राज्यातही तुरळक ठिकाणी पावसाचा अंदाज वर्तवण्यात आला आहे. पुढील २४ तासांत राज्यात काही ठिकाणी हलक्या ते मध्यम स्वरुपाच्या पावसाचा इशारा देण्यात आला आहे. मध्य महाराष्ट्रातील काही जिल्ह्यांसह कोकणात पाऊस आज हजेरी लावू शकतो..Latest Marathi Live Updates 25 October 2024 : महायुतीचं २७८ जागांवर एकमत झालं आहे. तर, शरद पवार गटाची पहिली यादी जाहीर झाली असून आज दुसरी यादी जाहीर होऊ शकते. तसेच काँग्रेसची पहिली यादी जाहीर झाली आहे. आज अनेक नेते उमेदवारी अर्ज दाखल करणार आहेत. केंद्रीय मंत्री नितीन गडकरी आणि उपमुख्यमंत्री देवेंद्र फडणवीस यांच्यातली बैठक संपली आहे. नागपुरात नितीन गडकरी यांच्या निवासस्थानी ही बैठक सुरू होती. यंदा दिवाळी आणि छट पूजेच्या काळात सात हजार विशेष रेल्वे गाड्या धावणार असून, यामुळे रोज दोन लाखांवर प्रवाशांना मोठा दिलासा मिळू शकेल. सणासुदीच्या काळात सार्वजनिक वाहतूक व्यवस्थेवर येणारा ताण लक्षात घेऊन केंद्र सरकारने हा निर्णय घेतला आहे. राष्ट्रवादी काँग्रेसचे नेते आणि माजी मंत्री बाबा सिद्दीकी यांच्या खून प्रकरणात मुंबई पोलिसांच्या गुन्हे शाखेने पुण्यातून आणखी तिघांना बुधवारी रात्री ताब्यात घेतले. पुणे शहर पोलिस दलातील वरिष्ठ अधिकाऱ्याकडून त्याला दुजोरा मिळाला. त्याचबरोबर राज्यातील काही भागात ढगाळ वातावरण पहायला मिळत असून काही जिल्ह्यांत जोरदार पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : राष्ट्रीय स्वयंसेवक संघाच्या अखिल भारतीय कार्यकारी मंडळाच्या बैठकीला सुरुवात

Rashtriya Swayamsevak Sangh Live Updates: राष्ट्रीय स्वयंसेवक संघाच्या अखिल भारतीय कार्यकारी मंडळाच्या बैठकीला सुरुवात

Related Stories