Latest Marathi News Updates live : अजित पवार गटातील कार्याध्यक्ष, जनरल सेक्रेटरींची शरद पवारांच्या पक्षात घरवापसी

अजित पवारांची साथ सोडून पुन्हा शरद पवारांकडे गेलेले मुंबई कार्याध्यक्ष नरेंद्र राणे यांचा आज राष्ट्रवादी काँग्रेस शरदचंद्र पवार पक्षात प्रवेश. नरेंद्र राणे यांच्या सोबतच अजित पवारांच्या राष्ट्रवादीचे जनरल सेक्रेटरी विलास माने, दिनकर तावडे आणि विजय देसाई यांचा देखील शरद पवारांच्या पक्षात प्रवेश. दुपारी १२ वाजता सिल्वर ओक निवासस्थानी पक्ष प्रवेश पार पडणार. .राष्ट्रवादी काँग्रेस पक्ष आणि घड्याळ चिन्ह प्रकरणी सुप्रीम कोर्टात आज सुनावणी आहे. राष्ट्रवादी काँग्रेस पक्ष आणि घड्याळ चिन्ह अजित पवार यांना देण्याच्या निवडणूक आयोगाच्या निर्णयाविरोधात शरद पवार यांच्याकडून सुप्रीम कोर्टात याचिका दाखल करण्यात आली होती..जम्मू-काश्मीरच्या बांदीपोरामध्ये सध्या सुरू असलेल्या कारवाईत सुरक्षा दलांनी एका दहशतवाद्याचा खात्मा केला आहे..वॉशिंग्टन : अमेरिकेत अध्यक्षीय निवडणुकीसाठी मतदान झाल्यानंतर मतमोजणीही सुरू झाली आहे. आतापर्यंत जाहीर झालेल्या निकालांमध्ये रिपब्लिकन पक्षाचे डोनाल्ड ट्रम्प यांनी अमेरिकेच्या अध्यक्षपदाच्या निवडणुकीत आतापर्यंत आठ राज्ये जिंकली, तर डेमोक्रॅटच्या कमला हॅरिस यांनी तीन राज्ये काबीज केली आहेत..पावसाने कायमची माघार घेतल्यानंतर आता राज्यभरात थंडीची चाहूल लागली आहे. पण, अद्याप राज्यात पूर्णपणे थंडी सुरु झालेली नाही. राज्यात सध्या कमाल आणि किमान तापमानाचा पारा कमी जास्त होत आहे. त्यामुळे दुपारी ऊन्हाचा चटका बसत आहे, तर रात्री थंडी जाणवत आहे. मुंबई आणि पुण्यामध्ये हवेची गुणवत्ता खराब झाली आहे. कोकणात आणि विदर्भात उन्हाचा चटका वाढत आहे, तर दुसरीकडे मराठवाडा, मध्य महाराष्ट्र आणि पश्चिम महाराष्ट्रात रात्री हवेत गारवा जाणवत आहे..भाजपमध्ये बंडखोरी केलेल्या चाळीस जणांवर पक्षाने कारवाई केली आहे. पक्षाने सांगूनही उमेदवारी अर्ज मागे न घेतल्याने पक्षाकडून त्यांची हकालपट्टी करण्यात आली आहे. बडनेरा तुषार भारतीय, नालासोपारा हरिश भगत, मागठाणे गोपाल जव्हेरी, सावंतवाडी विशाल परब, श्रीगोंदा सुवर्णा पाचपुते, अक्कल कोट सुनील बंडगर, अमरावती जगदीश गुप्ता, साकोली सोमदत्त करंजकर यांच्यासह एकूण 40 जणांवर पक्षाने कारवाई केली. इथे क्लिक करा.Latest Marathi Live Updates 6 November 2024 : अत्यंत आक्रमकपणे प्रचारयुद्ध रंगलेल्या अमेरिकेच्या अध्यक्षपदासाठीच्या निवडणुकीसाठी मतदान झाले. आज मत मोजणीला सुरुवात झाली आहे. तसेच निवडणूक आयोगाच्या मंजुरीनुसार, राज्य शासनाने मंगळवारी संजयकुमार वर्मा यांची राज्याच्या पोलिस महासंचालकपदी नियुक्ती केली आहे. बिहारच्या गानकोकिळा म्हणून ख्याती असलेल्या प्रसिद्ध लोकगायिका शारदा सिन्हा यांचं निधन झालं आहे. त्या ७२ वर्षांच्या होत्या. राज्यात प्रचाराचे धुमशान सुरू झाले आहे. महायुती आणि महाविकास आघाडीच्या नेत्यांनी राज्य पिंजून काढायला सुरुवात केली आहे. ‘मधुरिमाराजे छत्रपती यांचा उमेदवारी अर्ज मागे घेण्यात कोणताही वाद होण्याची किंवा शंका घेण्याची गरज नाही’, असे सांगत खासदार श्रीमंत शाहू महाराज यांनी माजी नगरसेवक राजेश लाटकर महाविकास आघाडीचे काँग्रेस पुरस्कृत उमेदवार असतील, अशी घोषणा केली. विधानसभा निवडणुकीत भाजप उमेदवारांच्या प्रचारसभेसाठी १२ नोव्हेंबरला पंतप्रधान नरेंद्र मोदी सोलापूरमध्ये येणार आहेत. त्याचबरोबर राज्यातील काही भागात ढगाळ वातावरण पहायला मिळत असून काही जिल्ह्यांमध्ये पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates live : अजित पवार गटातील कार्याध्यक्ष, जनरल सेक्रेटरींची शरद पवारांच्या पक्षात घरवापसी

Sharad Pawar live: अजित पवार गटातील कार्याध्यक्ष, जनरल सेक्रेटरींची शरद पवारांच्या पक्षात घरवापसी

Related Stories