Latest Maharashtra News Updates : अलिगढ मुस्लिम विद्यापीठाला अल्पसंख्याकांचा दर्जा - SC

सर्वोच्च न्यायालयाच्या 7- न्यायाधीशांच्या खंडपीठाने 4:3 च्या बहुमताने अलिगढ मुस्लिम विद्यापीठाला (AMU) भारतीय राज्यघटनेच्या कलम 30 नुसार अल्पसंख्याक दर्जा मिळण्याचा अधिकार दिला आहे..येत्या १० नोव्हेंबर रोजी टीईटी परीक्षा पार पडणार आहे. पुणे आणि पिंपरी चिंचवड मध्ये ३५ केंद्रावर २७ हजार उमेदवार शिक्षक पात्रता परीक्षा देणार आहेत. परीक्षा पारदर्शकतेपणे पार पडाव्यात यासाठी परीक्षा केंद्रावर सीसीटिव्ही बसवण्यात आलेले आहेत. परीक्षार्थी उमेदवारांचे फेस आणि फिंगर स्कॅनिंग केले जाणार असून पेपर १ आणि पेपर २ साठी अर्ज केलेल्या परीक्षार्थी उमेदवारांना २ स्वतंत्र्य प्रवेश पत्र दिली जाणार आहेत..ईडीतून सुटका म्हणजे पुनर्जन्म नाही, मी स्वतः त्या काळातून गेलो आहे.. अशी प्रतिक्रिया संजय राऊत यांनी दिली. छगन भुजबळांच्या पुस्तकातील दाव्यावर ते बोलत होते. .‘धनगरं गेली आणि मेंढरं राहिली’ हे आमदार सुनील शेळके यांचे विधान धनगर बांधवांचा व पुण्यश्लोक अहिल्यादेवी होळकर यांचा अपमान करणारे आहे. ज्या दिवशी धनगर समाजाच्या काठीचा फटका त्यांना पडेल तेव्हा ते जागेवर येतील. हे विधान जातीयवादी असून कायदेशीर सल्ला घेऊन निवडणूक आयोगाकडे तक्रार दाखल करणार असल्याचं मावळ विधानसभा निवडणुकीतील सर्वपक्षीय अपक्ष उमेद्वार बापू भेगडे यांनी सांगितलं..भुलेश्वर परिसरातून २.३ कोटींची रोकड जप्त करण्यात आलेली असून १२ संशयितांना ताब्यात घेण्यात आलं आहे. गोपनीय माहितीच्या आधारावर एलटी मार्ग पोलिसांनी ही कारवाई केली. .बिहारमधील पूर्णिया येथील खासदार पप्पू यादव यांना पुन्हा एकदा जीवे मारण्याच्या धमक्या आल्या आहेत. लॉरेन्स गँगचा सदस्य असल्याचा दावा करणाऱ्या एका तरुणाने त्याच्या पीएला व्हॉट्सॲपवर धमकीचा मेसेज पाठवला आहे. यानंतर पीए मोहम्मद सादिक आलम यांनी पोलीस ठाण्यात या घटनेची फिर्याद दिली. याआधीही पप्पू यादव यांना लॉरेन्स टोळीने जीवे मारण्याची धमकी दिली आहे..कोल्हापूर : शिवाजी विद्यापीठाच्या हिवाळी सत्रातील परीक्षांचा प्रारंभ मंगळवार (ता. १२) पासून होणार आहे. पदविका, प्रमाणपत्र अभ्यासक्रमाच्या परीक्षा पहिल्या टप्प्यात सुरू होतील. पदवी, पदव्युत्तर अभ्यासक्रमाच्या प्रथम, द्वितीय, तृतीय वर्षाच्या परीक्षा विद्यापीठाकडून घेतल्या जाणार आहेत. .लॉरेन्स बिश्नोई टोळीकडून अभिनेता सलमान खानला धमकीचा संदेश काल रात्री मुंबई वाहतूक नियंत्रण कक्षाला मिळाला. याप्रकरणी वरळी पोलिसांनी अज्ञात व्यक्तीविरुद्ध गुन्हा दाखल केला आहे. तपास सुरू : मुंबई पोलिस.नाशिकच्या तपोवन परिसरातील मोदी मैदानावर आज पंतप्रधान नरेंद्र मोदींची सभा होणार आहे. मोदींच्या सभेच्या पार्श्वभूमीवर महायुती आज जोरदार शक्तिप्रदर्शन करणार आहे. जिल्ह्यातील भाजपच्या उमेदवारांसह महायुतीच्या उमेदवारांसाठी मोदींची दुपारी १ वाजता जाहीर सभा होणार आहे. मोदींच्या सभेसाठी तब्बल १ लाख लोक जमवण्याचे महायुतीचे नियोजन आहे..नवी दिल्ली : अलीगड मुस्लिम विद्यापीठाच्या अल्पसंख्याक दर्जाविषयी सुप्रीम कोर्ट आज निकाल देणार आहे. सुप्रीम कोर्टाचे ७ न्यायाधिशांचे घटनापीठ निकाल देणार आहे. अलीगड मुस्लिम विद्यापीठाला अल्पसंख्याकांच्या संस्थेचा दर्जा दिला जाऊ शकत नाही, कारण ते केंद्रीय विद्यापीठ आहे असा निकाल अलाहाबाद उच्च न्यायालयाने दिला होता. त्याविरोधात अलीगड मुस्लिम विद्यापीठ आणि तत्कालीन यूपीए सरकार हायकोर्टाच्या निर्णयाविरोधात सुप्रीम कोर्टात गेले होते. सुप्रीम कोर्टाच्या ७ न्यायाधीशांच्या घटनापीठासमोर अनेक दिवस सुनावणी केल्यानंतर निकाल राखून ठेवला होता. आज मुख्य न्यायमूर्ती धनंजय चंद्रचूड यांचे घटनापिठ हा निकाल सुनावणार आहे..कोल्हापूर : केंद्रीय गृहमंत्री अमित शहा यांचे गुरुवारी रात्री पावणे अकराच्या सुमारास कोल्हापूर विमानतळावर आगमन झाले. भाजप जिल्हा कार्यकारिणीतर्फे त्यांचे विमानतळावर, तसेच हॉटेल पंचशील येथे स्वागत करण्यात आले. महायुतीचे उमेदवार, नेतेही यावेळी उपस्थित होते. दरम्यान, शहा यांच्या आज (ता. ८) हुपरीसह शिराळा, कऱ्हाड, सांगली येथे महायुतीच्या प्रचारासाठी जाहीर सभा होणार आहेत. .Latest Marathi Live Updates 8 November 2024 : पूजा खेडकरच्या अटकपूर्व जामीन अर्जावर आज दिल्ली उच्च न्यायालयात सुनावणी होणार आहे. तर, अलीगड मुस्लिम विद्यापीठाच्या अल्पसंख्याक दर्जाविषयी सुप्रीम कोर्ट आज निकाल देणार आहे. तसेच नाशिकमध्ये आज पंतप्रधान नरेंद्र मोदींची तोफ धडाडणार आहे. नाशिकच्या तपोवन परिसरातील मोदी मैदानावर आज पंतप्रधान मोदींची सभा होणार आहे. पश्चिम महाराष्ट्रातील महायुतीच्या उमेदवारांच्या प्रचारासाठी अमित शहा सध्या कोल्हापूर आणि सांगली जिल्ह्याच्या दौऱ्यावर आहेत. काल रात्री सव्वा अकरा वाजता अमित शहा कोल्हापुरात दाखल झाले आहेत. शिवाजी विद्यापीठाच्या हिवाळी सत्रातील परीक्षांचा प्रारंभ मंगळवार (ता. १२) पासून होणार आहे. पदविका, प्रमाणपत्र अभ्यासक्रमाच्या परीक्षा पहिल्या टप्प्यात सुरू होतील. त्याचबरोबर राज्यातील काही भागात ढगाळ वातावरण पहायला मिळत असून काही जिल्ह्यांमध्ये पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : अलिगढ मुस्लिम विद्यापीठाला अल्पसंख्याकांचा दर्जा - SC

अलिगढ मुस्लिम विद्यापीठाला अल्पसंख्याकांचा दर्जा - SC

Related Stories