मुंबई: मागच्या आठवड्यात ऐनवेळी आरोग्य विभागाच्या परीक्षा रद्द (maharashtra medical exam) करण्यात आल्या आहेत. त्यामुळे परीक्षेची तयारी करणाऱ्या विद्यार्थ्यांमध्ये (students) रोषाची भावना आहे. विद्यार्थ्यांनी ही परिक्षा देण्यासाठी शेकडो किलोमीटरचा प्रवास केला होता. त्यामुळे परिक्षा (exam) रद्द करण्याचा निर्णय अचानक का घेतला? एक-दोन दिवस आधी का नाही निर्णय घेतला? असे प्रश्न उपस्थित होत आहेत. ऐनवेळी आरोग्य विभागाची परीक्षा रद्द होण्यासाठी न्यासा कंपनीला जबाबदार धरण्यात येत आहे.
"आत यावर न्यासा कंपनीने स्पष्टीकरण दिले आहे. परीक्षार्थींनी अफवा आणि असत्य माहितीवर विश्वास ठेवू नये. न्यासा कम्युनिकेशन कंपनी कधीही ब्लॅक लिस्टेड नव्हती आणि नाही. महाआयटी विभागाच्या सर्व निकषांची न्यासा कम्युनिकेशनकडून पूर्तता करण्यात आली होती. परीक्षा पुढे ढकलण्यामागे परीक्षार्थी़चे व्यापक हित हाच एकमेव हेतू आहे" असे न्यासाने आपल्या खुलाशामध्ये म्हटले आहे.
कंपनीच्या चुकीमुळे हे सर्व घडल्याचा आरोप होत आहे. दरम्यान न्यासा कंपनीविरोधात हरियाणा, उत्तर प्रदेश आणि बिहार या राज्यांमध्ये तक्रारी दाखल झाल्या होत्या. उत्तर प्रदेशात पेपर लीक करण्याचा तर हरियाणात निकालात गोंधळ घातल्याचा आरोप होता. पंजाबमध्ये ब्लॅकलिस्ट केल्यानंतर कंपनीने कोर्टात धाव घेतली होती. ही सर्व कागदपत्र साम टीव्हीच्या हाती लागली आहेत. त्यामुळे अशा कंपनीला कंत्राट का दिलं? असा प्रश्न या निमित्ताने उपस्थित होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
