मुंबई- भारतीय हवामान विभागाच्या (India Meteorological Department (IMD))अंदाजानुसार, आज मुंबईमध्ये मध्यम स्वरुपाचा पाऊस पडेल. तसेच, वातावरण ढगाळ राहील. तापमान 27 ते 31 अंश सेल्सिअस दरम्यान राहण्याची शक्यता आहे. त्यामुळे मुंबईकरांची उकाड्यापासून सुटका होणार आहे.
मुंबई आणि परिसरामध्ये 24 तासांत हलका ते मध्यम स्वरूपाचा पाऊस पडण्याची शक्यता आहे. नवी मुंबई परिसरात मुसळधार पावसाचा अंदाज आहे. रात्री मुंबई आणि नवी मुंबईच्या काही भागात मुसळधार पाऊस पाहायला मिळाला. चेंबूर भागात सकाळच्या सुमारात जोरदार सरी बरसल्या.
हवामान विभागाने आज अनेक राज्यांसाठी यलो अलर्ट जारी केला आहे. चंद्रपूर, गडचिरोली, गोंदिया आणि यवतमाळ जिल्ह्यामध्ये मुसळधार पावसासह विजांचा कडकडाट पाहायला मिळण्याची शक्यता आहे. याशिवाय, अकोला, अमरावती, बुलढाणा, भंडारा, नागपूर, वर्धा आणि वाशीम जिल्ह्यांमध्ये मध्यम पाऊस पडण्याची शक्यता आहे. पूर्व विदर्भामध्ये जास्त पावसाची शक्यता आहे.
