मुंबई - तृतीयपंथी तसेच समसंभोगी (गे, लेस्बियन इ.) यांच्याशी वर्तणूक करताना पोलीस संवेदनशील राहतील यासाठी महाराष्ट्र पोलीस मॅन्युअलमध्ये बदल करता येतील का, अशी विचारणा मुंबई उच्च न्यायालयाने आज केली.
न्या. श्रीमती रेवती मोहिते डेरे आणि न्या. गौरी गोडसे यांच्या खंडपीठाने यासंदर्भात पोलीस महानिरीक्षकांकडून (तुरुंग) सूचनाही मागवल्या आहेत. दोन्ही महिला असलेल्या एका जोडप्याने सादर केलेल्या तक्रारीवर खंडपीठाने हा आदेश दिला. या त्यांच्या नातेसंबंधांना त्यांच्यापैकी एका पालकाने आक्षेप घेत आपली मुलगी बेपत्ता झाल्याची तक्रार पोलिसांत नोंदवली होती. त्यामुळे ही याचिका सादर झाली.
यासंदर्भात मद्रास उच्च न्यायालयाच्या आदेशानुसार तामिळनाडूमधील तुरुंगांमधील कैद्यांबाबत पोलिसांना संवेदनशील करणारा उपक्रम राबवण्यात आल्याचे अर्जदारांच्या वकिलांनी दाखवून दिले. त्यामुळे न्यायालयाने महाराष्ट्रातही पोलीस मॅन्युअल मध्ये असे बदल करता येतील का याची विचारणा केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.