Maharashtra Rain Update: पुणे, कोल्हापुरात मुसळधार, मुंबई जलमय...विदर्भात देखील पावसाचा इशारा

Maharashtra Rain Update : सध्या महाराष्ट्रात सर्वत्र मुसळधार पाऊस पडत आहे. मुंबई, ठाणे, पुणे, सांगली, सातारा, कोकणपट्टा, विदर्भ आणि मराठवाड्यात पाऊस थांबण्याचे नाव घेत नाहीये. आजही हवामान खात्याने प्रमुख शहरांमध्ये अतिवृष्टीचा इशारा दिला आहे. पुढील काही तास महत्त्वाचे असल्याचे हवामान खात्याने म्हटले आहे.

दरम्यान, हवामान खात्याने मुंबईसह राज्यातील १९ जिल्ह्यांना रेड अलर्ट जारी केला आहे. रेड अलर्टमुळे या भागात मुसळधार ते अति मुसळधार पाऊस पडणार असल्याची माहिती हवामान खात्याने दिली आहे. (latest rain update)

मुंबईत काल पावसामुळे जनजीवन विस्कळीत झाले होते. शहरात अनेक ठिकाणी पाणी साचले होते. मुंबईसह उपनगर, ठाणे, पालघर परिसरात जोरदार पावसामुळं वाहतुकीवर परिणाम झाला आहे. आज (शनिवार) सुद्धा राज्यात जोरदार पावसाची शक्यता आहे. तर मुंबईत हलक्या स्वरुपात पाऊस पडेल

कोकण व पश्चिम महाराष्ट्रातील काही जिल्ह्यात यलो अलर्ट जारी करण्यात आला आहे. यामध्ये रायगड, रत्नागिरी, सिंदुधुर्ग या जिल्ह्यांसह ठाणे आणि पालघरचा समावेश आहे. पुणे, सातारा आणि संपूर्ण विदर्भात आज पावसाचा यलो अलर्ट जारी करण्यात आला आहे. विदर्भातील चंद्रपूर येथे काल मोठ्या प्रमाणात पाऊस झाला. नद्यांना पूर आला होता. अनेक गावे पाण्याखाली गेली होती.

पुणे, सातारा, कोल्हापूरमध्ये घाट परिसरात मुसळधार पाऊस पडण्याची शक्यता आहे. विदर्भातील अकोला, अमरावती, भंडारा, बुलढाणा, चंद्रपूर, विजांच्या कडकटांसह पावसाची शक्यता आहे.