पुणे : कोरोनाची तिसरी लाट कधी येईल सांगता येत नाही, ती सप्टेंबरमध्ये येण्याची शक्यता असल्याचं मत राज्याचे आरोग्यमंत्री राजेश टोपे यांनी मांडलं आहे. त्यांनी म्हटलंय की, नागरिक नियम पाळत नसल्यानं तिसरी लाट येण्याची शक्यता आहे. तिसरी लाट येईल तेंव्हा येईल पण आम्ही तयार आहोत. मृत्यूचे आकडे लपवल्याचा आरोप हा धादांत खोटा आहे. हा आरोप सहन केला जाणार नाही, असंही त्यांनी म्हटलं आहे.
तिसरी लाट येऊ शकते अशी शक्यता असल्याचं मत नीती आयोगाचे सदस्य वीके पॉल यांनी मांडलं होतं. काल मुख्यमंत्र्यांच्या अध्यक्षतेखाली झालेल्या बैठकीत तिसऱ्या लाटेच्या तयारीबाबत चर्चा झाली. ही बैठक त्यासंदर्भात घेतली गेली होती. युद्धाची तयारी असते तशी कोरोनाची तयारी करायला हवी. मात्र, मास्क न घालता होणारी गर्दी धोकादायक आहे, अशी भीती या बैठकीत व्यक्त केली गेली. ज्या तिसऱ्या लाटेची शक्यता वर्तवली जात आहे ती लाट अशा निष्काळजी वागण्याने अलिकडे येऊ शकते. लाट कधी येईल, यापेक्षा आम्ही तयारीत आहोत, हे महत्त्वाचं आहे. दुसऱ्या लाटेतही आम्ही तयारीत होतो आणि आताही आम्ही तयारीत आहोत.
महाराष्ट्राच्या बाबतीत मृत्यू लपवले हा आरोप मी सहन करणार नाही. असला प्रकार राज्यात कधीच झालेला नाहीये. मृत्यूचे आकडे लपवल्याचा आरोप सहन केला जाणार नाही. बऱ्याचदा प्रायव्हेट हॉस्पिटल्स मृत्यूचे आकडे अपलोड करायला उशीर करतात. त्यामुळे उशीर होऊ शकतो. एखाद्या वेळेस एखादा रुग्ण दुसऱ्या जिल्ह्यात मृत झाला तर त्यावेळी उशीर होऊ शकतो. दिरंगाई होऊ शकते मात्र, लपवालपवी शक्य नाही. एकूण आतापर्यंत 4 ते 5 हजार मृत्यूची आकडेवारी अपलोड करायचे राहिलेले असू शकतात. मात्र मृत्यू लपवण्याचं काहीच कारण नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
