सबस्क्राईब करा
येत्या काही तासांत वातावरण आणखी थंड होण्याची शक्यता आहे.
देशाच्या उत्तरेकडील काही राज्यात थंडीची लाट तीव्र झाल्याने राज्यातील तापमानात घट झाली आहे. पारा 8 अंश सेल्सिअसपर्यंत खाली असल्याने राज्यातील काही प्रदेशात हुडहुडी भरली आहे. दरम्यान, देशातील अनेक राज्यात थंडीच्या वातावरणात वाढ होत आहे. पुढील २४ तासांत देशातील उत्तराखंड, पंजाब, हरियाणा, उत्तर प्रदेश, पूर्व राजस्थान, मध्य प्रदेश, विदर्भ, छत्तीसगड, सौराष्ट्र आणि कच्छ, तेलंगणा, बिहार, झारखंड, गंगेच्या पश्चिम बंगाल आणि ओडिशामध्ये थंडीची लाट येण्याची शक्यता असल्याची माहिती भारतीय हवामान खात्याने दिली आहे. त्यामुळे येत्या काही तासांत वातावरणात आणखी थंड होण्याची शक्यता आहे.
दरम्यान, गेले काही दिवस राज्यातील काही प्रदेशात थंडीचा पारा वाढला आहे. विदर्भात अंगाला झोंबणारा गारवा निर्माण झाला आहे. 22 डिसेंबरपासून पुन्हा तापमानात वाढ होण्याचा अंदाज वर्तवण्यात आला आहे. विदर्भात थंडीची लाट आली असून, बहुतेक भागातील तापमानाचा पारा 8 अंश सेल्सिअसपर्यंत खाली आला आहे. तसेच मराठवाडा, मध्य महाराष्ट्र आणि कोकणातही काही भागात रात्रीच्या किमान तापमानात मोठी घट झाली आहे.
भारतीय हवामान खात्याने दिलेल्या माहितीनुसार, "पुढील २४ तासांत पंजाब, हरियाणा, दिल्ली, राजस्थान आणि मध्य प्रदेशच्या काही भागांमध्ये तीव्र थंडीची लाट कायम राहण्याची शक्यता आहे. त्यानंतरच्या २४ तासांत काहीच भागात थंडीची लाट कायम राहण्याची शक्यता आहे." तर देशामध्ये उत्तराखंड, उत्तर प्रदेश, महाराष्ट्र, बिहार आणि झारखंडच्या भागांमध्ये बुधवारी दुपारपर्यंत थंडीची लाट, आणि जम्मू, काश्मीर-लडाख-गिलगिट-बाल्टिस्तान-मुझफ्फराबाद, हिमाचल प्रदेश, गंगा पश्चिम बंगालमध्ये मंगळवारी दुपारपर्यंत थंडीची लाट येण्याची शक्यता आहे.
पुढील तीन दिवस मध्य आणि पूर्व भारतात थंडीची लाट राहील आणि त्यानंतर या थंड तापमानापासून दिलासा मिळण्याची शक्यता आहे. महाराष्ट्रतही (Maharashtra) मंगळवारी दुपारपर्यंत थंडीची लाट येण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
