सबस्क्राईब करा
वडाळा : गुळवंची (ता. उत्तर सोलापूर) येथे विजेचा करंट पाण्यात उतरल्याने पाण्यातील २४ म्हशींचा जागीच मृत्यू झाला आहे. संबंधित पशुपालकाला तातडीने आर्थिक नुकसान भरपाई मिळावी, अशी मागणी केली जात आहे. घटनास्थळी वीज वितरणचे अधिकाऱ्यांनी धाव घेतली.
गुळवंची येथील पशुपालक हरिदास भजनावळे आणि विष्णू भजनावळे यांच्या मालकीच्या २४ म्हशी होत्या. गुरुवारी (ता. ४) नेहमीप्रमाणे म्हशी चारण्यासाठी भजनावळे गावाबाहेर जात होते. गावाजवळील ओढ्यात विजेची तार तुटून अगोदरच पडली होती. त्यामुळे ओढ्यात साठलेल्या पाण्यात करंट उतरला होता. याचा अंदाज पशुपालक भजनावळे यांना आला नाही. त्यांना काही समजायच्या आत पाण्यात उतरलेल्या म्हशी गतप्राण झाल्या होत्या. भजनावळे यांच्या ही बाब लक्षात येताच त्यांनी उर्वरित म्हशींना पाण्यात जाण्यापासून रोखले. त्यामुळे त्यांच्या चार म्हशींचा जीव वाचला आहे. या घटनेची तात्काळ कल्पना महसूल प्रशासनाला देण्यात आली. आता महसूल प्रशासनाने पंचनामा करून नैसर्गिक आपत्तीच्या निधीमधून संबंधित पशुपालकाला तातडीने आर्थिक भरपाई द्यावी, अशी मागणी होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.