मुंबईः राज्यातील मराठा समाजाला सरसकट आरक्षण देण्यासंदर्भात मंगळवारी मंत्री राधाकृष्ण विखे पाटील यांनी मनोज जरांगे पाटील यांच्याशी संवाद साधला. जरांगे यांच्या उपोषणाचा सोमवारचा सहावा दिवस आहे. द्यायचं असेल तर सरसकट मराठा आरक्षण द्यावं, केवळ मराठवाड्यातील मराठ्यांना नाही, अशी भूमिका जरांगेंनी स्पष्ट केली.
मनोज जरांगे पाटील म्हणाले की, काही वेळापूर्वी मला राधाकृष्ण विखे पाटलांचा फोन आलेला होता. त्यांनी सांगितलं की, मराठवाड्यातील सर्व जिल्हाधिकाऱ्यांची उद्या बैठक बोलावतो. परंतु मी म्हटलं सरसकट द्यावं लागेल. त्यामुळे त्यांनी राज्यातील सर्व जिल्हाधिकाऱ्यांची बैठक बोलावल्याचं सांगितलं.
जरांगे पुढे म्हणाले की, महाराष्ट्रातल्या एका भावाला न्याय आणि दुसऱ्या भावावर अन्याय; हे जमणार नाही. सरकारने मागण्या मान्य केल्या नाही तर १ नोव्हेंबर रोजी आंदोलनाचा तिसरा टप्पा सुरु होईल. तेव्हा हे आंदोलन सरकारला झेपणार नाही.
माजलगाव विधानसभेचे आमदार प्रकाश सोळंके यांच्या घरावर झालेल्या हल्ल्यावर प्रतिक्रिया देताना मनोज जरांगे पाटील म्हणाले की, सोळंके काहीतरी बोलले, त्यानंतर त्यांच्या घरावर हल्ला झाला. आमच्या आंदोलनाला कुणीतरी गालबोल लावत आहे. पोलिसांनी मराठा समाजाच्या पोरांना त्रास दिला तर मी पुढे येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
