जालनाः मुख्यमंत्री एकनाथ शिंदे यांनी मराठा समाजाला कुणबी प्रमाणपत्र देण्यासंदर्भात जीआर काढत असल्याचं आश्वासन दिल्यानंतर जालन्यामध्ये अर्जुन खोतकर यांनी मुख्यमंत्र्यांचे आभार मानून मनोज जरांगे पाटील यांनी उपोषण सोडण्याची विनंती केली.
अर्जुन खोतकर म्हणाले की, मनोज जरांगे पाटील यांचा उपोषणाचा आजचा नववा दिवस आहे. मी आणि राजेश टोपे मुख्यमंत्री अन् उपमुख्यमंत्र्यांच्या संपर्कात होतो. दिवसभरात जवळपास आमचे १० फोन झाले असतील. ज्या मागणीसाठी जरांगे पाटलांनी आंदोलन केलं त्यातल्या बऱ्याचश्या गोष्टी मार्गी लागलेल्या आहेत.
खोतकर पुढे म्हणाले की, मुख्यमंत्र्यांनी कुणबी समाजाच्या नोंदीसंदर्भात आश्वासन दिलं होतं. आता त्यांनी जीआर काढला असून बहुतांश मागण्या मान्य झालेल्या आहेत. येणारी कॅबिनेटची बैठक मराठवाड्यात होत आहे, तेव्हा उर्वरित मागण्या पूर्ण केल्या जातील. उद्या सकाळी ११ ची वेळ मनोज जरांगे पाटलांनी दिलेली आहे. त्यांनी सहकाऱ्यांशी बोलून उपोषण सोडण्याचा निर्णय घ्यावा, ही विनंती.
''मी मुख्यमंत्री एकनाथ शिंदे,उपमुख्यमंत्री देवेंद्र फडणवीस, अजित पवार यांच्या वतीने त्यांना उपोषण मागी घेण्याची विनंती करतो'' असं म्हणून त्यांनी उद्या जरांगे पाटील उपोषण मागे घेतील, असं सांगितलं. मुख्यमंत्र्यांनी जीआर काढण्यासंदर्भात भाष्य केलेलं आहे. अद्याप जीआर निघालेला नाही.
काय म्हणाले मुख्यमंत्री
मुख्यमंत्री एकनाथ शिंदे पत्रकारांशी बोलताना म्हणाले की, महसुली, शैक्षणिक, निजामकालीन नोंदी असतील त्यांना कुणबी दाखले दिले जातील. यासंदर्भातील पडताळणी करण्यासाठी एक निवृत्त न्यायाधीशांची कमिटी गठीत केली असून निवृत्त न्यायाधीश संदीप शिंदे आणि पाच अधिकाऱ्यांची समिती गठीत करण्यात आलेली आहे. यासंदर्भातला जीआर काढला जाणार असल्याचं मुख्यमंत्र्यांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
