छत्रपती संभाजी नगरः मराठा आरक्षण लढ्याचे नेते मनोज जरांगे पाटील हे छत्रपती संभाजी नगर येथे उपचार घेत आहेत. बीड जिल्ह्यातल्या अंबाजोगाई येथील सभेत अचानक तब्येत बिघडल्याने त्यांना अगोदर अंबाजोगाई येथेच दाखल करण्यात आलेलं होतं. आता ते छत्रपती संभाजी नगर येथे उपचार घेत आहेत. बुधवारी त्यांनी माध्यमांशी संवाद साधला.
रुग्णालयातून माध्यमांशी बोलताना त्यांनी मराठा आंदोलकांवरील गुन्हे मागे घेण्याचा मुद्दा पुन्हा उपस्थित केला. सरकारमधील तिन्ही पक्षांच्या नेत्यांनी त्यांचे प्रतिनिधी पाठवले होते आणि गुन्ह्यांसंदर्भात आश्वासन दिलं होतं. त्यामुळे दिलेल्या शब्दाला जागून आंतरवाली सराटी आणि राज्यातील इतर भागातील मराठा आंदोलकांवरील गुन्हे मागे घ्यावेत, अशी मागणी त्यांनी केली.
यावेळी बोलताना मनोज जरांगे पाटील म्हणाले की, भुजबळांना पहिल्यापासून जातीय तेढ निर्माण करण्याची सवय आहे. आम्ही सरकारच्या शब्दाचा सन्मान केला आहे. पण सरकार जर भुजबळांचं ऐकून आमच्यावर अन्याय करणार असेल तर आम्ही सहन करणार नाही.
''एकनाथ शिंदे खोटं बोलणार नाहीत आणि देवेंद्र फडणवीसांनीही खोटं बोलू नये. त्यांचे प्रतिनिधी उपोषण सोडण्यासाठी आले होते. आमचे गुन्हे मागे घेण्याचं आश्वासन दिलं होतं. फडणवीसांनी खरं बोलावं आणि गुन्हे मागे घ्यावेत. नाहीतर मराठ्यांना नाईलाजाने आंदोलन करावं लागेल.'' असा इशारा त्यांनी सरकारला दिला.
नितेश राणेंना आवाहन
जातीपेक्षा नेते मोठे नाहीत. नितेश राणे म्हणतात, काहींना गावबंदी तर काहींना मुभा.. असं नाहीये. आमचं जेव्हा उपोषण सुटलं तेव्हा आम्ही गावबंदी उठवलेली आहे. राणेंवर दबाव असेल त्यामुळे ते आमच्याविरोधात बोलत असतील. परंतु त्यांनी मराठा समाजाची बाजू घ्यावी. कारण समाजापेक्षा पक्ष मोठा नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
