मुंबई - जालना जिल्ह्यात मराठा आरक्षणासाठी उपोषणाला बसलेल्या आंदोलकांवर पोलिसांकडून लाठीचार्ज करण्यात आला. यामध्ये अनेक आंदोलक जखमी झाले आहे. यावरून राजकारण तापले असून विरोधक आणि सत्ताधारी एकमेकांवर आरोप-प्रत्यारोप करत आहेत. त्यातच शिवसेनेचे नेते संजय शिरसाट यांनी ठाकरे गटाचे नेते खासदार संजय राऊत यांच्यावर जोरदार हल्लाबोल केला.
मराठा आंदोलकांवर झालेल्या लाठीचार्जवर शिरसाट म्हणाले की, काही लोक समाजाला भडकवण्याचा प्रयत्न करत आहे. काही नालायकांनी कार्टून काढून डिवचण्याचा प्रयत्न केला होता. सरकारची आरक्षणासाठी आरक्षण देण्याची तयारी आहे. मराठा समाजाचा सर्वाधिक तिरस्कार उद्धव ठाकरेंनीच केल्याचा आरोप शिरसाट यांनी केला.
शिरसाट पुढं म्हणाले की, सत्तेच्या काळात आरक्षण का दिलं नाही. ही लढाई हक्काची असून आम्ही मराठा समाजासोबत आहोत. मात्र मराठा मोर्चांना मुका मोर्चा म्हणणारे संजय राऊत तुमच्या मांडीवर बसले आहेत. आम्ही मराठा समाजाला वेठीस धरणार नाही. मराठा समाजाला आरक्षण दिल्याशिवाय शिंदे सरकार स्वस्थ बसणार नाही, असं आश्वासनही शिरसाट यांनी दिलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
