MHT CET 2024 Results Declared: एमएचटी सीईटी निकाल जाहीर, 37 विद्यार्थ्यांना 100 पर्सेंटाइल! असा पाहा निकाल

महाराष्ट्र राज्य सामाईक प्रवेश परीक्षा सेल MHT CET परीक्षा 2024 चा निकाल आज जाहीर करण्यात आला. ज्या विद्यार्थ्यांनी यावर्षी ही परीक्षा दिली आहे ते अधिकृत वेबसाइट cetcell.mahacet.org वर जाऊन त्यांचा निकाल पाहू शकतात.

37 विद्यार्थ्यांना 100 पर्सेंटाइल मिळाले. यामध्ये पीसीबीतील 17 आणि पीसीएम मधील 20 विद्यार्थ्यांचा समावेश आहे.

विद्यार्थी त्यांची ओळखपत्रे वापरून निकाल तपासू शकतात. विद्यार्थ्यांना त्यांचे स्कोअर कार्ड पाहण्यासाठी रोल नंबर, हॉल तिकीट क्रमांक आणि जन्मतारीख यांसारखी माहिती द्यावी लागेल. पोर्टलवर ही सर्व माहिती प्रविष्ट केल्यानंतर, निकाल तुमच्या स्क्रीनवर दिसेल. त्याची प्रिंट काढा आणि भविष्यातील संदर्भासाठी ठेवा.

महाराष्ट्र राज्य सामाईक प्रवेश परीक्षा कक्षामार्फत २०२४-२५ या शैक्षणिक वर्षामध्ये अभियांत्रिकी, औषधनिर्माणशास्त्र, कृषी पदवी अभ्यासक्रमाच्या प्रवेशासाठी घेतलेल्या ‘एमएचटी-सीईटी’ परीक्षा घेण्यात आली होती.

बहूप्रतीक्षेत असणाऱ्या या परीक्षेचा निकाल अखेर जाहीर झाला आहे. याआधी परीक्षा कक्षाने जाहीर केलेल्या संभाव्या तारखेनुसार हा निकाल १९ जून रोजी जाहीर होणार होता.

राज्यातील अभियांत्रिकी, औषधनिर्माणशास्त्र आणि कृषी पदवी अभ्यासक्रम राबविणाऱ्या महाविद्यालयांमध्ये प्रवेशासाठी ही परीक्षा घेण्यात येते.या अंतर्गत विविध अभ्यासक्रमांच्या प्रवेशासाठी घेतलेल्या ‘एमएचटी-सीईटी’ (पीसीएम आणि पीसीबी ग्रुप) परीक्षेसाठी तब्बल सात लाख २५ हजार ६४० विद्यार्थ्यांनी नोंदणी केली आहे.