Ajit Pawar: महाराष्ट्राचे उपमुख्यमंत्री अजित पवार यांनी बुधवारी शरद पवार यांची राष्ट्रवादी काँग्रेस पक्षाच्या (NCP) राष्ट्रीय अध्यक्षपदावरून हकालपट्टी केल्याची घोषणा केली. अजितदादांनी स्वत:ला नवे राष्ट्रीय अध्यक्षही म्हटले. प्रफुल्ल पटेल यांनी ३० जून रोजी मुंबईत पक्षाच्या राष्ट्रीय कार्यकारिणीची बैठक बोलावली होती, त्यात हा निर्णय घेण्यात आल्याची माहिती आहे.
इकडे दोन्ही गटांच्या नेत्यांनी निवडणूक आयोग गाठला.अजित पवार गटाने 30 जून रोजी आयोगाला पत्र पाठवून राष्ट्रवादी काँग्रेस आणि त्यांच्या निवडणूक चिन्ह घड्याळावर दावा केला होता. तर शरद पवार गटाने देखील आयोगात याचिका केली आहे. दरम्यान संख्याबळ अजित पवार यांच्याकडे जास्त आहे. दरम्यान शरद पवार गटात असलेले आणखी एक आमदार अजित पवारांच्या गटात आले आहेत.
देवेंद्र भुयार यांनी अजित पवार यांनी पाठिंबा दर्शवला आहे. देवेंद्र भुयार हे आधी शरद पवार यांच्या गटात होते. ते अपक्ष आमदार आहे, एबीपी माझाने याबाबत वृत्त दिले आहे.
शरद पवार यांच्यासोबत दिसलेल्या आमदारांमध्ये अनिल देशमुख, रोहित पवार, राजेंद्र शिंगणे, अशोक पवार, किरण लहमटे, प्राजक्ता तनपुरे, बाळासाहेब पाटील, जितेंद्र आव्हाड, चेतन विठ्ठल टोपे, जयंत पाटील, राजेश टोपे, संदीप क्षीरसागर, यांचा समावेश आहे.
याशिवाय शरद पवारांच्या बैठकीला शशिकांत शिंदे, बाबाजानी दुर्राणी, एकनाथ खडसे हे तीन आमदारही उपस्थित होते. या बैठकीला शरद पवार गटाते तीन लोकसभा खासदार आणि दोन राज्यसभेचे खासदारही उपस्थित होते. श्रीनिवास पाटील, सुप्रिया सुळे, अमोल कोल्हे हे लोकसभेचे तर फौजिया खान आणि वंदना चव्हाण राज्यसभेचे खासदार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
