विधाव परिषदेच्या निकालानंतर राज्याच्या राजकारणात अनेक राजकीय नाट्यमय घडामोडी घडल्या आहेत.
शिवसेना नेते एकनाथ शिंदे यांनी विधान परिषद निकालावर नाराजी व्यक्त केली आहे. त्यामुळे शिंदे हे शिवसेनेसोबत बंडखोरी करणार का अशी चर्चा सध्या राजकीय वर्तुळात सुरु आहे. दरम्यान, या निकालानंतर आज सकाळपासून राज्याच्या राजकारणात अनेक राजकीय नाट्यमय घडामोडी घडल्या आहेत. या सगळ्यात आता एक वेगळी बातमी समोर येत आहे.
अडीज वर्षांपूर्वी सत्ता स्थापन करताना ज्या दोन अपक्ष आमदारांना तातडीने मुंबईत आणण्यासाठी शिवसेनेने चार्टर्ड प्लेन पाठवलेले होते. त्यापैकी एक आमदार सूरतला जाऊन पोहोचला असल्याची माहिती मिळत आहे. हे आमदार शिवसेनेसोबत नाही तर एकनाथ शिंदेच्या बाजूने असल्याचे त्यांनी स्पष्ट केलं आहे. भंडारा येथील शिवसेना समर्थक अपक्ष आमदार नरेंद्र भोंडेकर हे काही मिनिटांपूर्वी सूरतच्या हॉटेलमध्ये पोहोचले आहेत.
भाजपाच्या संजय कुटेंसारखीच त्यांचीही कार पोलिसांनी हॉटेलबाहेरच अडवली होती. यानंतर भोंडेकर यांनी आपण शिंदेंचे समर्थक असल्याचे सांगितले आहे. पोलिसांना आतमध्ये फोनाफोनी करून चौकशी केली. शिंदेंकडून जेव्हा होकार आला तेव्हाच त्यांनी भोंडेकर यांना आतमध्ये सोडण्यात आले आहे. राज्यसभा आणि विधानपरिषद निवडणुकीतही ते शिवसेनेसोबत होते. मात्र, आता शिंदेंनी बंड केल्याने ते त्यांच्यासोबत गेले असल्याची चर्चा आहे.
दरम्यान, नरेंद्र भोंडेकर हे शिवसेनेचेच आमदार होते. परंतू, जागांच्या वाटाघाटीवेळी २०१९ मध्ये भंडाऱ्याची जागा भाजपाकडे गेली यामुळे भोंडेकर यांनी बंडखोरी करुन जिंकले होते. निवडणुकीनंतरही त्यांनी अपक्ष म्हणूनच शिवसेनेला पाठिंबा दिला होता. २०१९ मध्ये ज्या दोन आमदारांसाठी खास विमान पाठवण्यात आले होते त्यापैकीच एक भोंडेकर होते. दुसरे आशिष जयस्वाल होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
