Raj Thackeray : भूमिका बदलण्यावर अन्.... मोदींना पाठिंबा देण्याच्या निर्णयावर राज ठाकरेंचं स्पष्टीकरण; म्हणाले...

Raj Thackeray : निवडणुकीच्या तोंडावर राज्याच्या राजकारणात मोठ्या घडामोडी घडत असताना गुढीपाडवा मेळाव्यात मनसे अध्यक्ष राज ठाकरे यांनी महायुतीला बिनशर्त पाठिंबा जाहीर केला, त्यानंतर पक्षातील अनेकांनी राजीनामा दिला आणि राज ठाकरेंनी घेतलेली भूमिका पटली नसल्याचे सांगितले. या दरम्यान आज मनसे प्रमुख राज ठाकरे (MNS Chief Raj Thackeray) यांची आज पत्रकार परिषद पार पडली आहे. यावेळी माध्यमांशी बोलताना भूमिका बदलली नाही. धोरणावर कायम असल्याचं मनसे प्रमुख राज ठाकरे यांनी सांगितलं आहे.

पत्रकार परिषदेत बोलताना राज ठाकरे म्हणाले की, यंदा पंतप्रधान नरेंद्र मोदी यांना पाठिंबा द्यायचा आहे. त्याचं कारण देखील त्यांनी यावेळी सांगितलं आहे. पहिल्या पाच वर्षात जे पटलं नाही त्याचा विरोध केला आहे. लोकं म्हणतात की, राज ठाकरे यांनी भूमिका बदलली आहे. भूमिका बदलली नाही. धोरणावर कायम असल्याचं त्यांनी यावेळी सांगितलं आहे.

यावेळी बोलताना राज ठाकरे म्हणाले, पंतप्रधान मोदींचं नेतृत्व खंबीर असल्याने पाठिंबा दिला. मोदी नसते तर राम मंदिर उभं राहिलं नसतं. 1992 पासूनची मागणी पूर्ण झाली. राम मंदिर मोदींच्या काळात पूर्ण झालं हे वास्तव आहे, असं कारण राज ठाकरे यांनी महायुतीला पाठिंबा देण्यावर दिलं आहे. मनसे पक्षप्रमुख राज ठाकरे यांनी गुढी पाडवा सभेत महायुतीला पाठिंबा दिला होता.

राज ठाकरेंच्या या निर्णयानंतर अनेक मनसे सैनिकांनी समर्थन दिलं तर अनेकांनी नाराजी जाहीर करत राजीनामे देखील दिले. राज ठाकरेंनी भूमिका बदलल्यामुळे मनसे सैनिक नाराज असल्याचं दिसून येत होतं. यावर आज राज ठाकरेंनी पहिल्यांदाच भाष्य केलं आहे.

पाच वर्षात अनेक बदल झाले, त्यामुळे त्यांच्या भूमिकेचं स्वागत केलं आहे. राम मंदिर निर्माण, 370 कलम असे अनेक निर्णय चांगले पंतप्रधान नरेंद्र मोदींनी घेतले. पाठिंबा देताना मला पक्षाचा विचार करावा लागतो. ज्यांना ही भूमिका पटत नाही, ते निर्णय घ्यायला मोकळे आहेत, अशी प्रतिक्रिया राज ठाकरे यांनी राजीनामा दिलेल्या पदाधिकाऱ्यांना दिली आहे.