संयुक्त महाराष्ट्र लढ्यातील खंदे शिलेदार, समाजसुधारक, पत्रकार प्रबोधनकार ठाकरे यांची आज पुण्यतिथी आहे. दरम्यान या निमित्ताने त्यांचे नातू मनसे अध्यक्ष राज ठाकरे यांनी प्रबोधकार ठाकरे यांना अभिवादन करणारी एक पोस्ट लिहिली आणि जुना फोटो पोस्ट केला आहे. प्रबोधनकार ठाकरेंचे स्वभावगुण आणि वैशिष्ट्ये सांगत त्यांनी दिलेला 'ठाकरी' बाणा, जो माझ्यासह पुढच्या पिढीत आला आहे, असं राज आपल्या फेसबुक पोस्टमध्ये म्हणतात.
फेसबूक पोस्टमध्ये राज ठाकरे लिहतात की, आज आमच्या आजोबांची - प्रबोधनकारांची पुण्यतिथी. अन्याय दिसला तर लाथ मारायची, जे खरं असेल ते ठासून मांडायचं, आणि हे करताना नफा, नुकसान असल्या क्षुल्लक गोष्टींचा विचार करायचा नाही, हा आजोबांनी दिलेला 'ठाकरी' बाणा, जो पुढच्या पिढीत आला आणि माझ्यातपण आला. मी आजोबांनी रुजवलेला हा ठाकरी बाणा कायम कटाक्षाने अंमलात आणायचा प्रयत्न करत आलोय आणि पुढे पण करत राहीन. आणि हेच बाळकडू पुढे पण देईन हे नक्की, असा विश्वास व्यक्त करतानाच राज यांनी आजोबांच्या स्मृतीस अभिवादन केलं आहे.
दरम्यान आज पक्षप्रमुख उद्धव ठाकरे आणि वंचित बहुजन आघाडीचे अध्यक्ष अॅड. प्रकाश आंबेडकर आज एकाच व्यासपीठावर असणार आहेत. निमित्त आहे ते 'प्रबोधनकार डॉट कॉम' या संकेतस्थळाच्या लोकार्पणाचे प्रबोधनकार ठाकरे यांच्या स्मृतिदिनाचे औचित्य साधून हा सोहळा आयोजित करण्यात आला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
