मुंबई : ज्येष्ठ व्यंगचित्रकार विकास सबनीस यांच्या निधनाने मनसे अध्यक्ष व व्यंगचित्रकार असलेले राज ठाकरे हळहळले असून, त्यांनी त्यांच्या स्मृतीस अभिवादन केले आहे.
राज ठाकरे यांनी फेसबुकवर पोस्ट लिहून आदरांजली वाहिली आहे. त्यांनी म्हटले आहे, की माझे मित्र, ज्येष्ठ व्यंगचित्रकार विकास सबनीस ह्यांचं निधन झालं. विकास ह्यांनी आयुष्याची ५० वर्ष व्यंगचित्रकलेला वाहिली. व्यंगचित्रकाराच्या कुंचल्याला रोज आव्हान देणारं राजकीय वातावरण असताना सबनीसांची उणीव नक्कीच भासेल. त्यांच्या स्मृतीस महाराष्ट्र नवनिर्माण सेनेचं विनम्र अभिवादन.
ज्येष्ठ राजकीय व्यंगचित्रकार विकास सबनिस (वय 69) यांचे शुक्रवारी रात्री अल्पशा आजाराने निधन झाले. त्यांना रुणालयात तपासणीसाठी नेले असता तिथेच हृदयविकासाचा झटका आला आणि त्यातच त्यांची प्राणज्योत मालवली. त्यांच्या पश्‍चात पत्नी आणि मुलगा असा परिवार आहे. तब्बल 50 वर्षे त्यांनी व्यगंचित्रकलेची अखंड सेवा केली. राजकीय व्यंग हेरून कुंचल्याचे चौफेर फटकारे मारणारे ते ज्येष्ठ राजकीय व्यंगचित्रकार होते. त्यांच्या निधनाने कला क्षेत्रात मोठी पोकळी निर्माण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.