गेल्या काही दिवसांपासून मनसेने घे भरारी हे अभियान सुरू केलं आहे. त्यांच्या या अभियानातून मनसेचे नेते प्रकाश महाजन यांनी शिवसेनेच्या ठाकरे गटाचे प्रमुख उद्धव ठाकरे यांची खिल्ली उडवली आहे. मला नवरा बनवण्याचे वचन दिले, असं स्वप्न एके दिवशी पक्षप्रमुखाला पडलं. पण हा शब्द देताना तिथे फक्त उद्धव ठाकरे आणि अमित शाहच होते. सोबत बाळासाहेब ठाकरे यांचा फोटो होता. पण असं काही वचनच दिलं नव्हतं असं भाजपनं सांगितलं. त्यामुळे वाद सुरू झाला.
त्यानंतर एकमेकांवर आरोप प्रत्यारोप करण्यात आले. त्यावर मी म्हटलं, बाळासाहेब ठाकरे यांचा फोटो समोर ठेवून दोघांनाही विचारावं नक्की काय झालं. पण त्याच दिवशी बाळासाहेब माझ्या स्वप्नात आले. आणि म्हणाले, माझाच मुलगा खोटो बोलतोय, अशा शब्दात प्रकाश महाजन यांनी उद्धव ठाकरे यांची खिल्ली उडवली.बाळासाहेब माझ्या स्वप्नात आले. आणि म्हणाले, माझाच मुलगा खोट बोलतोय, असं म्हणत प्रकाश महाजन यांनी उद्धव ठाकरे यांची खिल्ली उडवली.
मनसेच्या घे भरारी हे अभियान सभेला संबोधित करताना प्रकाश महाजन बोलत होते. दाढीवाल्याच्या मागे दाढीवाला असला तरच मुख्यमंत्री होता येतं, असंही प्रकाश महाजन यावेळी म्हणाले आहेत. भाजप आणि शिवसेनेचा संसार फार दिवस चालला. कारण दोन्हीकडे मोठी माणसं होती, असंही त्यांनी यावेळी म्हंटलं आहे.
तर काही महिन्यांपूर्वी एकनाथ शिंदे आणि त्यांच्या समर्थकांनी शिवसेनेत बंड केलं आणि ते बाहेर पडले. त्यानंतर त्यांनी भाजपसोबत नवं सरकार स्थापन केलं आहे. त्यामुळे प्रकाश महाजन यांनी उद्धव ठाकरे यांना खोचक टोला लगावला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
