मोबाईल बॅटरीचा स्फोट; 6 वर्षांची चिमुरडी जखमी, जेजे रुग्णालयात उपचार सुरु

मुंबईः मोबाईल बॅटरीचा स्फोट होऊन एक चिमुकली जखमी झाल्याची घटना घडली आहे. या चिमुकलीवर मुंबईतील जेजे रुग्णालयामध्ये उपचार सुरु आहेत.

रायगड जिल्ह्यातल्या महाड तालुक्यातील आंबिवली गावात ही घटना घडली आहे. मोबाईलच्या बॅटरीचा अचानक स्फोट झाला. या घटनेमध्ये होवून 6 वर्षांची चिमुरडी गंभीर जखमी झाली आहे. अनिता वाघमारे असे तिचे नाव असून तिच्या तोंडाला दुखापत झाली आहे.

महाड येथील ग्रामीण रुग्णालयात तिच्यावर प्राथमिक उपचार करून तिला पुढील उपचारासाठी मुंबईतील जे जे रुग्णालयात हलवण्यात आले आहे. आता तिच्यावर मुंबईत उपचार सुरु आहेत.

मोबाईल बॅटरीचा स्फोट होण्याच्या घटना मागील काही दिवसांपासून कमी झालेल्या आहेत. काही जुने मोबाईल आणि जास्तवेळ सुरु असलेल्या मोबाईलचे स्फोट होत आहेत. अशीच घटना आंबिवली गावात घडली सहा वर्षांची चिमुरडी जखमी झाल्याने तिच्यावर उपचार सुरु आहेत. 'साम टीव्ही'ने यासंदर्भातील वृत्त दिले आहे.