राज्यात मॉन्सूनची एंट्री झाली आहे, मात्र अद्यापही राज्यातील बऱ्याचशा भागात पावसाची प्रतीक्षा कायम आहे, त्यामुळे अनेक ठिकाणा पेरण्या देखील खोळंबल्या आहेत. यंदा पाऊस वेळेआधी येईल असा अंदाज व्यक्त केला जात आहे, मात्र जूनचे पहिले पंधरा दिवस उलटून गेले तरी राज्यात पुरेसा पाऊस झालेला नाही. (monsoon update imd predicted heavy rain in state for next 5 days mumbai thane kokan)
दरम्यान राज्यात येत्या पाच दिवसांत राज्यात पावसाचा जोर वाढेल, असा अंदाज हवामान विभागाने व्यक्त केला आहे. कोकण आणि मध्य महाराष्ट्रात आगामी काळात मुसळधार पाऊस होईल असे देखील सांगण्यात आले आहे. १७ जून रोजी व्यक्त करण्यात आलेल्या या अंदाजात येत्या ५ दिवसांत राज्यात पावसाचा जोर वाढण्याची शक्यता असल्याचे हवामान विभागाने सांगितले आहे. तसेच
पुढील दोन दिवस राज्यातील विविध भागात वादळी वाऱ्याची शक्यता असून त्यानंतरच्या 3 दिवसांपासून कोकण आणि मध्य महाराष्ट्राच्या काही भागात मुसळधार पावसाची शक्यता हवामान विभागाने सांगितली आहे. तर मुंबई ठाण्यातही रविवारपासून मुसळधार पावसाची शक्यता आहे.
मॉन्सूनच्या पावसावर राज्यातील शेतकरी अवलंबून असतो, पाऊस झाला की शेतकरी पेरणी करतात मात्र आवश्यक तितक्या प्रमाणात अजूनही पाऊस न झाल्याने अनेक जिल्ह्यांमध्ये पेरण्या खोळंबल्या आहेत. शेतकरी अजूनही पेरणी करण्यासाठी पावसाची वाट पाहात आहेत. कृषी विभागानं शेतकर्‍यांना १०० से.मी. पाऊस झाल्याशिवाय पेरण्या करू नये, असं आवाहन केलं आहे. त्या सोबत राज्याचे कृषी मंत्री दादा भुसे यांनी देखील पुरेसा पाऊस झाल्याशिवाय पेरणी करू नका असे आवाहन शेतकर्‍यांना केले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
