मुंबई : वेळ सकाळची... छातीवर कॅरिअर बॅग... बॅगमध्ये दीड वर्षाची लेक... मातृत्वासोबतचं खाकी वर्दीचं कर्तव्यही चोख पार पाडायचं होतं. डीएसपी मोनिका सिंग यांच्यावर त्या दिवशी मुख्यमंत्र्यांच्या सुरक्षेची जबाबदारी होती. मग काय...जणू हिरकणीच भासणाऱ्या DSP मॅडम लेकीला घेऊन निघाल्या कर्तव्यावर....त्यांची कर्तव्यनिष्ठा पाहून मुख्यमंत्रीही भारावले..
कोण आहे ती हिरकणी? देशभरात कौतुक
ज्या महिला अधिकाऱ्याचं देशभरात कौतुक होतंय, त्यांचं नाव मोनिका सिंग असं आहे. ज्या मध्य प्रदेशच्या धार जिल्ह्यात पोलीस उपअधीक्षक (डीएसपी) म्हणून काम करतात. त्या मुख्यमंत्र्यांच्या हेलिकॉप्टरच्या हेलिपॅडवर तैनात होत्या. जोबात विधानसभा जागेसाठी आगामी पोटनिवडणुकीसाठी दोन दिवसांच्या प्रचारासाठी मुख्यमंत्री मंगळवारी अलीराजपूरला आले होते.डीएसपी मोनिका सिंग (DSP Monica Singh) यांच्यावर मुख्यमंत्री शिवराज सिंह (CM Shivraj singh) यांच्या सुरक्षेची जबाबदारी होती. त्यावेळी आपल्या दीड वर्षाच्या लेकीला घेऊन डीएसपी मॅडम मुख्यमंत्र्यांच्या सेवेला पोहोचल्या. आपल्या छातीवर त्यांनी कॅरिअर बॅगेत दीड वर्षाची लेक होती. मोनिका सिंग यांनी बाळाला कॅरिअर बॅगमध्ये ठेऊन जिथे मुख्यमंत्र्यांचं आगमन होणार आहे, त्या हेलिपॅडजवळ उभ्या होत्या. या दरम्यान, जेव्हा मुख्यमंत्री परत जाऊ लागले, तेव्हा त्यांची नजर महिला पोलीस अधिकाऱ्यावर पडली, त्यानंतर त्यांनी मोनिका सिंग यांची आपुलकीने चौकशी केले. चौकशीनंतर मोनिका आणि त्यांच्या दीड वर्षाच्या लेकीसोबत त्यांनी छानसला फोटोही काढला.
कर्तव्याप्रती त्यांचं समर्पण कौतुकास्पद - मुख्यमंत्री सिंह
दोन्ही कर्तव्याची सांगड घालत कर्तव्य बजावणाऱ्या महिला अधिकाऱ्याला पाहून मुख्यमंत्रीही भारावले. त्यांनी मोनिका सिंग यांच्यासोबत अभिमानाने फोटो काढला आणि तो ट्विटरवर शेअर केला. शिवराज सिंह चौहान यांनी फोटो ट्विट करुन महिला अधिकाराऱ्यांची तोंडभरुन स्तुती केली. ते म्हणतात “अलीराजपूर भेटीदरम्यान, मी डीएसपी मोनिका सिंग आणि त्यांच्या दीड वर्षांच्या मुलीला पाहिलं. कर्तव्याप्रती त्यांचं समर्पण कौतुकास्पद आहे. मध्य प्रदेशला तुमचा अभिमान आहे. मी त्यांना शुभेच्छा देतो आणि चिमुरडीला खूप खूप आशीर्वाद देतो. ”
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
