मुंबईः भारतरत्न डॉ. बाबासाहेब आंबेडकर यांची आज जयंती. विविध पक्षांच्या नेत्यांनी महामानवाला अभिवादन करुन जयंती साजरी केली. मात्र शिंदेंच्या शिवसेनेचे खासदार राहुल शेवाळे यांना अभिवादन करण्यापासून खरंच रोखलं का? असा प्रश्न उपस्थित होत आहे.
आज दिवसभर एक व्हीडिओ सोशल मीडियामध्ये व्हायरल होत आहे. त्यामध्ये खासदार राहुल शेवाळे यांना डॉ. बाबासाहेब आंबेडकर यांच्या पुतळ्याला अभिवादन करण्यापासून रोखलं जात असल्याचं दिसून येतंय. सकाळ माध्यम समूह या व्हीडिओची पुष्टी करीत नाही. मात्र राहुल शेवाळेंचा हा व्हीडिओ असल्याच्या चर्चा आहेत.
हेही वाचाः Credit Card फसवणूक....काय घ्याल काळजी?
व्हीडिओमध्ये खासदार राहुल शेवाळे यांना पुढे जाण्यापासून उपस्थित लोक रोखत आहेत. त्यांना विरोध होतांना दिसतोय. डॉ. बाबासाहेब आंबेडकर यांना हार घालण्यापासून शेवाळेंना रोखलं जात असल्याचं प्रथमदर्शनी दिसून येतं आहे.
दरम्यान, राहुल शेवाळे हे मागेही एकदा महिलेच्या प्रकरणावरुन चर्चेत आले होते. शेवाळे यांच्या विरोधात एका महिलेनं लैंगिक अत्याचार व मानसिक छळ केल्याचा आरोप केला होता. शेवाळे यांनी महिलेविरोधात कोर्टात याचिका दाखल केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
