लोकसभेच्या निवडणुकीत भाजपला रोखण्यासाठी देशभरातील विरोधी पक्षांकडून एकजूटीसाठी प्रयत्न केले जात आहेत. याच पार्श्वभूमिवर बिहारची राजधानी पाटणा येथे विरोधकांची पहिली बैठक झाली. त्यानंतर आता बंगळुरू येथे दोन दिवस (१७ आणि १८ जुलै) पुन्हा विरोधी पक्षांचे नेत एकत्र येणार आहेत. या बैठकील राष्ट्रवादीचे नेते शरद पवार जाणार होते मात्र अचानक पवारांनी त्यांचा कार्यक्रम रद्द केला आहे.
महाराष्ट्रातून ठाकरे गटाचे नेते उद्धव ठाकरे, आदित्य ठाकरे, संजय राऊत यांच्यासोबतच शरद पवार देखील जाणार होते. मात्र आज अचानक शरद पवार जाणार नसल्याच समोर आल्याने राजकीय वर्तुळात चर्चांना उधाण आले. यापूर्वी काल अजित पवारांनी समर्थक आमदारांसह शरद पवारांची भेट घेतली होती, यानंतर शरद पवारांच्या भुमिकेकडे सर्वांचे लक्ष लागले असतानाच खासदार संजय राऊत यांनी शरद पवार हे उद्या या बैठकीला उपस्थित राहतील अशी माहिती दिली आहे.
संजय राऊत यांनी ट्वीट केलं की, "पाटणा बैठकी नंतर आज उदया होणारी बंगळुरू बैठक निर्णायक ठरेल. शिवसेना पक्षप्रमुखश्री. उद्धव ठाकरे हे बैठकीस उपस्थित राहतील. शरद पवार बैठकीस उपस्थित राहतील की नाही या बाबत संभ्रम निर्माण झाला होता.पवार साहेब उद्या सकाळी बंगळूरू येथील बैठकीस उपस्थित राहतील. हे मी खात्रीने सांगत आहे. हम सब एक है!"
यासोबतच राष्ट्रवादी काँग्रेसच्या अधिकृत ट्वीटर हँडलवरून देखील याबद्दल माहिती देण्यात आली आहे. उद्या दिनांक १८ जुलै रोजी राष्ट्रवादी काँग्रेस पक्षाचे राष्ट्रीय अध्यक्ष खा. शरद पवार हे बंगळूरू येथे होणाऱ्या विरोधी पक्षांच्या बैठकीसाठी उपस्थित राहणार आहेत, असे सांगण्यात आले आहे.
आगामी लोकसभा निवडणुकीच्या पार्श्वभूमिवर विरोधी पक्षांची एकजूट मजबूत करण्याच्या तयारीला वेग आला आहे. आज आणि उद्या कर्नाटकातील बंगळुरू येथे काँग्रेसने बोलावलेली ही दुसरी विरोधी पक्षांची एकता बैठक आहे. या बैठकीला जवळपास २४ राजकीय पक्षांचे प्रमुख नेते उपस्थित राहणार असल्याची माहीती आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.