Ajit Pawar News : राष्ट्रवादी काँग्रेसमध्ये फूट! सुप्रिया सुळेंची प्रतिक्रिया

राज्यात पुन्हा एकदा मोठा राजकीय भूकंप झाल्याचे पाहायला मिळत आहे. विरोधपक्षाचे नेते अजित पवार यांनी राष्ट्रवादीमधून बाहेर पडत राज्य सरकारमध्ये सामील होण्याचा निर्णय घेतला आहे. यादरम्यान राष्ट्रवादीचे ४० आमदार अजित पवार यांच्यासोबत असल्याचा दावा भाजप नेते चंद्रशेखर बावनकुळे यांनी केला आहे. यादम्यान राष्ट्रवादी काँग्रेसच्या खासदार सुप्रिया सुळे यांनी दिली आहे.

आज मुंबईत अजित पवार यांच्या देवगिरी बंगल्यावर अजित पवारांनी राष्ट्रवादी काँग्रेसच्या नेत्यांची बैठक बोलवली होती. ही बैठक संपल्यानंतर सुप्रिया सुळे कुठलीही प्रतिक्रिया न देता बाहेर पडल्या होत्या. त्यानंतर महाराष्ट्रात चर्चांना उधाण आलं होत. अखेरीस राष्ट्रवादी काँग्रेसमध्ये फूट पडल्याची माहिती सुळे यांनी दिली आहे. साम टिव्हीने यासंबंधीचे वृत्त दिले आहे.

शिंदे-फडणवीस सरकारवर टीका करणारे सर्व नेते सध्या राजभवनात उपस्थित आहेत. दरम्यान आज अजित पवार हे उपमुख्यमंत्री म्हणून शपथ घेऊ शकतात. यासोबतच राष्ट्रवादीचे इतर काही नेते देखील मंत्रीपदाची शपथ घेणार आहेत.