पुणे : महाराष्ट्र लोकसेवा आयोगाच्यावतीनं घेण्यात आलेल्या राज्य सेवा मुख्य परीक्षा २०२३ परीक्षेची सर्वसाधारण गुणवत्ता यादी आयोगाच्या संकेतस्थळावर प्रसिद्ध करण्यात आली आहे. यात महेश घाटुळे यानं प्रथम क्रमांक पटकावला आहे.
या परीक्षेत प्रीतम सानप यानं दुसरा, तर शुभम पवार यानं तिसरा क्रमांक पटकावला आहे. तर वैष्णवी बावस्कर हिनं मुलींमध्ये पहिला क्रमांक पटकावला आहे. आता उमेदवारांना आपल्या पदांचे पसंतीक्रम द्यावं लागणार आहेत. या परीक्षेची सर्वसाधारण गुणवत्ता यादी निव्वळ तात्पुरत्या स्वरूपाची आहे.
अर्जामधील विविध दाव्यांच्या अनुषंगानं अंतिम निकालापूर्वी प्रमाणपत्रे / कागदपत्रे पडताळणी करताना काही उमेदवारांच्या दाव्यांमध्ये बदल होऊ शकतो आणि पर्यायानं उमेदवाराचा गुणवत्ता क्रम बदलू शकतो आणि उमेदवार अपात्र ठरू शकतो, असं एमपीएससीनं स्पष्ट केलं आहे.
ही सर्वसाधारण गुणवत्ता यादी विविध न्यायालयात किंवा न्यायधिकरणात दाखल करण्यात आलेल्या न्यायिक प्रकरणांवरील अंतिम न्याय निर्णयाच्या अधीन राहून जाहीर करण्यात आली आहे. वैद्यकीय अहवाल विचारात घेऊन उमेदवारांना पदांचे पसंतीक्रम ऑनलाईन स्वरुपात सादर करण्याची सुविधा लवकरच उपलब्ध करून देण्यात येईल, असंही आयोगानं स्पष्ट केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
