मुंबई : मुंबईतील अंधेरी पूर्व येथील शिवसेनेचे आमदार रमेश लटके यांच्या निधनानंतर निवडणूक आयोगाने पोटनिवडणूक जाहीर केली आहे. ६ राज्यातील ७ जागासाठी पोटनिवडणुका पार पडणार असून ३ नोव्हेंबर रोजी मतदान होणार आहे. तर ६ नोव्हेंबर रोजी मतमोजणी पार पडणार आहे. या पोटनिवडणुकीसाठी राज्यात शिवेसेनेच्या पक्षचिन्ह आणि नावावरून शिंदे गटासमोर संभ्रम निर्माण झाला आहे.
(Andheri By-Election Latest Updates)
दरम्यान, एकनाथ शिंदे यांनी बंड केल्यानंतर राज्यातील ही पहिली निवडणूक आहे. त्यामध्ये शिवसेनेचे आमदार रमेश लटके यांच्या निधनानंतर आता अंधेरी पूर्व मतदारसंघात कोण बाजी मारणार याकडे लक्ष लागले असून शिवसैनिकांकडून रमेश लटके यांच्या पत्नी ऋतुजा लटके यांना उमेदवारी देण्यात आली आहे. तर शिंदे गट आणि ठाकरे गटासमोर पक्षचिन्हावरून पेच निर्माण झालाय.
शिवसेना कुणाची आणि पक्षचिन्ह कुणाचं हा वाद निवडणूक आयोगाकडे असताना आता या निवडणुकांत शिंदे गटाला आणि ठाकरे गटाला उमेदवार देता येईल का? दिले तर चिन्ह आणि पक्षाचं काय? असा संभ्रम निर्माण झाला आहे. तर हा वादसुद्धा निवडणूक आयोगाकडे जाणार असून आयोग यासाठी काय निर्णय देणार हे महत्त्वाचं ठरणार आहे. तर या निवडणुकांत शिवसेनेच्या दोन्ही गटांच्या भूमिकेकडे लक्ष लागलेले आहे.
केंद्रीय निवडणूक आयोगाने देशातील ६ राज्यातील ७ जागांसाठी पोटनिवडणुका जाहीर केल्या आहेत. बिहार, महाराष्ट्र, हरियाणा, तेलंगणा, उत्तरप्रदेश, ओडिसा या राज्यातील विधानसभेच्या सात जागावर निवडणुका पार पडतील. यासाठी ७ ऑक्टोबर ते १४ ऑक्टोबर दरम्यान अर्ज करता येणार असून ३ नोव्हेंबरला मतदान पार पडणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.