मुंबईच्या जुहू गल्ली परिसरातून एक खळबळजनक घटना समोर आली आहे. जुहू गल्ली परिसरात राहणाऱ्या एका दांपत्याने आपल्या अवघ्या 2 दिवसाच्या नवजात अर्भकाचे रिक्षातून अपहरण झाल्याची तक्रार जुहू पोलीस ठाण्यात दिली. मात्र जुहू पोलिसांनी अवघ्या काही तासातच तपास करून जे सत्य समोर आणलं आहे, हे सत्य ऐकूनच विश्वास नाही व त्या निर्दयी पालकांविषयी डोक्यात संतापाची लाट नक्कीच उसळेल.
मिळालेल्या माहितीनुसार, २ ऑगस्टच्या मध्यरात्री पावणे एक वाजण्याच्या सुमारास जुहू गल्ली परिसरात राहणाऱ्या दांपत्याने आपल्या दोन दिवसाच्या बालकाचे रिक्षातून अपहरण झाल्याची तक्रार जुहू पोलीस ठाण्यात दिली.
जुहू पोलिसांनी तपासास सुरुवात केली. तक्रार दिलेल्या दांपत्याच्या शेजाऱ्यांकडे देखील पोलीसांनी चौकशी केली. यात शेजाऱ्यांनी दिलेल्या माहितीनुसार महिलेची प्रसूती 29 रोजी राहत्या घरी झाली. तिला एक मुलगा झाला. त्या दिवसानंतर नवजात बालक दिसून आलं नाही म्हणून शेजाऱ्यांनी त्यांच्याकडे चौकशी देखील केली होती.
त्या दोघांची चौकशी करून जे सत्य समोर आलं ते मात्र भयानक होतं. जन्मदात्यांनीच आपल्या नवजात बालकाला सांताक्रुज पश्चिम येथील खिरानगर येथे पार्क केलेल्या रिक्षामध्ये सोडून दिल्याचे कबूल केले.
शोध पथकाने सांताक्रुज पोलिसांना संपर्क साधला असता 30 जुलै रोजी ऑटोरिक्षामध्ये नवजात अर्भक सापडले असल्याचे समजले. यासंदर्भात सांताक्रुज पोलीस ठाणे येथे कलम 317 भादवी अन्वये गुन्हा नोंद केला आहे. यानंतर जुहू पोलिसांनी या दांपत्याला सांताक्रुज पोलिसांच्या ताब्यात दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
