प्राथमिक शिक्षकांचे आंदोलन अधिक तीव्र करण्याचा इशारा

मुंबई : मुंबईत अनुदानावर असलेल्या मराठी माध्यमांच्या शाळा (Mumbai Marathi school) सरकारच्या चुकीच्या धोरणामुळे (Government wrong policy) संकटात सापडल्या आहेत. त्यातच शालेय शिक्षण विभागाकडून (School Education authorities) या शाळातील शिक्षक आणि कर्मचाऱ्यांच्या अनुदान आणि इतर वेतनाच्या (teachers salary issue) प्रश्नावर वेळोवळी दिरंगाई केली जात असल्याने अनेक शिक्षकांचे आयुष्य अडचणीत सापडले असल्याने आझाद मैदानात (Azad maidan) सुरू करण्यात आलेले आंदोलन (strike) अधिक तीव्र करण्याचा निर्णय घेतला आहे.

मागील महिनाभरापासून आझाद मैदानात मुंबईतील प्राथमिक शाळांतील शिक्षकांचे साखळी उपोषण सुरू आहे. मात्र सरकारकडून त्यासाठी म्हणावी तशी दखल घेण्यात आली नसल्याने यापुढे रस्त्यावर उतरूनच आम्हाला न्याय मागावा लागणार असल्याने आम्ही हे आंदोलन अधिक तीव्र करणार असल्याचा इशारा शिक्षक भारतीच्या उपाध्यक्षा नंदा कांबळे यांनी दिला आहे.

शालेय शिक्षण विभागाच्या चुकीच्या धोरणामुळे मुंबईतील अनेक मराठी माध्यमांच्या शाळा आणि त्यावर मागील अनेक वर्षांपासून कार्यरत असलेले शिक्षक हे संकटात सापडलेले आहेत. अनेकांना आपल्या नोकऱ्या सोडण्याची वेळ आली आहे. त्यामुळे या शाळा वाचविण्यासाठी आम्ही आरपारची लढाई लढणार असल्याचे शिक्षक भारतीचे सरचिटणीस जालींदर सरोदे यांनी सांगितले.