Mumbai to Frankfurt Flight: विस्तारा विमान UK 27 मुंबई-फ्रँकफर्ट सुरक्षेच्या कारणास्तव तुर्कीकडे वळवण्यात आले आहे. विमान कंपनीने शुक्रवारी याबाबत माहिती दिली. सुरक्षेच्या कारणास्तव असे करण्यात आल्याचे कंपनीने म्हटले आहे. विस्तारा क्रूला बॉम्बची धमकी मिळाली होती. त्यानंतर हा प्रकार घडला आहे. एरझुरम विमानतळावर विमान सुरक्षितपणे उतरल्याची माहिती त्यांनी दिली. प्रोटोकॉलनुसार संबंधित अधिकाऱ्यांनाही तत्काळ सतर्क करण्यात आल्याचे निवेदनात म्हटले आहे