सबस्क्राईब करा
मुंबईः स्व. बाळासाहेब ठाकरे यांचा आज दहावा स्मृतिदिन. त्यानिमित्त उद्धव ठाकरे यांनी बाळासाहेबांना अभिवादन केलं. त्यानंतर त्यांनी माध्यमांशी संवाद साधत भाजप, संघ आणि शिंदे गटावर जोरदार हल्ला केला.
''स्वातंत्र्यवीर सावरकर यांच्याबद्दल आमच्या मनात नितांत आदर आहे. स्वातंत्र्यलढ्यावेळी तर आमची संघटनाही नव्हती. परंतु जे होते त्या राष्ट्रीय स्वयंसेवक संघाने कधीही स्वातंत्र्यलढ्यात सहभाग घेतला नाही. त्यामुळे त्यांच्या पिल्लांनी सावरकरांबद्दल प्रेम व्यक्त करणं हास्यास्पद आहे. स्वातंत्र्यवीरांनी स्वातंत्र्यासाठी त्याग केला. तेच स्वातंत्र्य आता धोक्यात आलेलं आहे. म्हणून आम्ही एकत्र आलो आहोत.'' असं उद्धव ठाकरे म्हणाले.
राहुल गांधी यांनी सावरकरांबद्दल केलेल्या विधानावर बोलतांना उद्धव ठाकरे म्हणाले की, आम्ही त्यांच्या मताशी सहमत नाहीत. आमच्या मनामध्ये स्वातंत्र्यवीर सावरकरांबद्दल नितांत आदर, प्रेम, निष्ठा आहे. 'पीडीपी'च्या मांडीला मांडी लावून बसणाऱ्यांनी आम्हांला भूमिकेबद्दल विचारु नये, असंही उद्धव ठाकरे म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
