अकोला : कृषीनगर जवळच्या तोष्णीवाल ले-आऊटमध्ये राहणाऱ्या विद्यार्थ्याची चाकूने वार करून निर्घृण हत्या करण्यात आली. विशाल मधुकर झाटे (18) असे मृत विद्यार्थ्याचे नाव आहे. या प्रकरणी पोलिसांनी तीन आरोपींना अटक केली आहे. (Murder of 12th student three arrested the thrill happened in Vidarbha)
बारावीत शिकणारा मृतक हा कृषी नगर परिसरातील तोष्णीवाल ले-आऊटमध्ये भाड्याच्या खोलीत राहत होता. तो मूळचा बुलढाणा जिल्ह्यातील जळगाव जामोद तालुक्यातील तरोळा गावचा रहिवासी आहे. 1 जानेवारी रोजी रात्री नियमित वेळेत जेवण करून तो आपल्या खोलीत परत येत असताना तीन तरुणांनी त्यांच्यावर हल्ला केला. या हल्ल्यात विद्यार्थ्याचा मृत्यू झाला, त्याला रुग्णालयात नेण्यात आले मात्र, डॉक्टरांनी त्याला मृत घोषित केले.
सिव्हिल लाईन पोलीस ठाण्याच्या हद्दीत येणाऱ्या कृषीनगर जवळ घडलेल्या या घटनेची माहिती मिळताच सिव्हिल लाईन पोलीस ठाण्याचे पोलीस निरीक्षक प्रदीप शिरस्कर यांनी आपल्या पथकासह घटनास्थळी पोहोचून तपास सुरू केला.
या प्रकरणी सिव्हिल लाइन पोलिसांनी साहिल सतीश आठवले (वय 21, रा. न्यू भीम नगर कृषीनगर), मंगल बाबुलाल चव्हाण (वय 31, रा. नेहरू नगर कृषी नगर) आणि राहुल गणेश तायडे (वय 32, रा. न्यू भीम नगर कृषीनगर) यांना अटक केली. या प्रकरणी सिव्हिल लाईन पोलीस ठाण्यात कलम 302,34 अन्वये गुन्हा दाखल करण्यात आला आहे.
घटनेनंतर एसडीपीओ सुभाष दुधगावकर, गुन्हे शाखेचे पथक तातडीने घटनास्थळी पोहोचले आणि तपास सुरू केला. आरोपींची ओळख पटल्यानंतर सिव्हिल लाइन पोलिस ठाण्याच्या डीबी पथकाने रात्री उशिरा वेगवेगळ्या ठिकाणाहून आरोपींना अटक केली. अल्पवयीन विद्यार्थ्यावर हल्ला करण्याचे कारण अत्यंत किरकोळ असल्याचे सांगितले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
