![Narayan Rane and Uddhav Thackeray](http://media.assettype.com/esakal%2F2021-08%2F8a54a77a-cd8c-47cf-aa99-a65f09aa1258%2FNarayan_Rane_Uddhav.jpg?w=480&auto=format%2Ccompress&fit=max)
उपमुख्यमंत्री फडणवीस आणि ठाकरे यांच्यातील वादात ‘एन्ट्री’ करीत राणे यांनी ठाकरेंवर आगपाखड केली.
मुंबई - शिवसेनेचे (उद्धव बाळासाहेब ठाकरे) पक्षप्रमुख उद्धव ठाकरे हे महाफडतूस, विक्षिप्त, दगेबाज आणि कार्यशून्य आहेत, अशा शब्दांत ठाकरे यांच्यावर प्रहार करीत केंद्रीय मंत्री नारायण राणे यांनी उपमुख्यमंत्री देवेंद्र फडणवीस यांच्यावरील आरोपांचा हिशेब चुकता केला. इडी, बिडी बोलू नका; नाही तर योग्य जागी जाल, असा इशारा त्यांनी ठाकरे यांना दिला.
उपमुख्यमंत्री फडणवीस आणि ठाकरे यांच्यातील वादात ‘एन्ट्री’ करीत राणे यांनी ठाकरेंवर आगपाखड केली. भाजपच्या मुंबई कार्यालयात त्यांनी पत्रकार परिषदेत घेतली. मुख्यमंत्री, उपमुख्यमंत्र्यांवरील आरोप, खासदार संजय राऊत, ठाकरे गटाच्या कार्यकर्त्या रोशनी शिंदे यांच्या आरोपावरूनही राणे यांनी ठाकरेंना फटकारले.
राणे म्हणाले,‘‘युती सरकारच्या काळात फडणवीस हे मुख्यमंत्री असताना ठाकरे यांनी त्यांच्याकडून कामे करून घेतली. केवळ शिव्या देण्याचे काम ठाकरे करीत आहेत. मुख्यमंत्रिपद भूषविलेल्या व्यक्तीला अशी भाषा शोभत नाही. पंतप्रधान, मुख्यमंत्री आणि वरिष्ठ नेत्यांवर बोलणाऱ्या महिलेला समज देण्याऐवजी ठाकरे त्यांना भेटले. मी असतो तर महिलेला जाब विचारला असता. ठाण्यातील मोर्चाला कोणीही जुमानत नाही.’’ शिवसेनेच्या मुखपत्रावरही राणेंनी टीका केली. तसेच, मुखपत्राच्या आपल्याविरुद्धच्या भूमिकेबद्दल न्यायालयात जाणार असल्याचेही त्यांनी सांगितले.
युती नको म्हणून सांगितले होते
राज्यात विधानसभेच्या २०१४ च्या निवडणुकीत भाजपसोबत युती नसती तर शिवसेनेचे काही आमदार निवडून आले नसते.त्यामुळे पुढे २०१९ च्या निवडणुकीत शिवसेनेसोबत युती करू नये, असे मीच फडणवीस यांना सांगितले होते. ठाकरे यांचे सारे संपले असल्याने आता युतीचा उपयोग होणार नसल्याचे तेव्हा मी सांगितले होते, असा दावा राणे यांनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.